سعد عين الي ملكها وعين امه وابيه

[مبارك الخدري]

بس لا تزعل وانا اغليك يا قاني الوشام = والعذر مطلوب منك وهذا الي نبيه
كان ودي قبل ولا ولو بعد السلام = كان زان الجو لاكن بسيطه ماعليه
جيتك تسوى الطلب ويتعداك الملام = ومن يلومك لا يهمك وانا اعتبره سفيه
ما درى انك غايت الي يحبك يا غرام = واحد ماشاف بين العذارى لك شبيه
في جمالك في طبوعك وحبك لنظام = وفي وصوف فيك تلفت نظر عين النبيه
لا انثنى عودك حسدة الملابس والحزام = وقلت حظ الخاتم الي على شكل الجنيه
واتمنى ماتمنى ولا حب الحرام = والضروره تجعل الورع ينكر والديه
وحبها شي عظيم على صدري وسام = سعد عين الي ملكها وعين امه و ابيه
في بنات الكون ما مثلها شرق وشام = والردي جعله فداها وعباد الوجيه
وصاحب النمه وراعي الفساله والهلام = جعلهم نذر عليها كذا من غير ليه
والسلام اغلى تحيه لها قبل الختام = من مشاعر شاعر حبها حب نزيه