هل فعلا نحتاج مجلس الامة ؟؟؟؟؟

[شقردي كويتي]

الديمقراطية نعمة ينعم فيها اهل الكويت و بكل بيت تشووف فيه ديوانية وهي مكان تقدر

تقوول فيه اللي تبيه عن الحكومة و السياسة و محد يقولك شي ! لييش ! لان فعلا عندنا ديمقراطية 00
هل فعلا احنا نعيش الديمقراطية الصح هل الديمقراطية ! انك تفضفض عن همومك السياسية و هموم ديرتك بصووت عالي و بس 00

موضووعي من بيت الديمقراطية 00مجلس الامة الكويتي طبعا 00
هالمجلس التشريعي اللي يشرع لنا القوانين و اللي الكويت امانة برقبته و رقبة نوابه 00
و يناقش هموم الشارع الكويتي ! اكرر يناقش 000
مهام المجلس المفروض تكوون :
1-مناقشة هموم المواطن و الاسراع بازالة هذه الهموم 00
و اللي صاير عندنا !!نقاش !! و صووت عالي من غيير اي نتيجة !! بالعكس ! النتيجة دائما عكسية !! مثال : المطالبة بزيادة الرواتب !! و زادوها 50 د.ك مو حق الكل ! و بالمقابل ! اسعار كل شي زاد !! من دوون اي رقابة ! لاو ناويين يفرضوون ضرايب عالمواطن 00 و ناويين يزيدون سعر البنزين 00 و غيره ! و المجلس يقولك مالنا شغل بالاسعار ! اهم شي زادو المعاش ؟؟؟؟؟ ما ادري كم زايدينه مليوون كنه ؟؟؟ و بدال ما نشيل الهم من المواطن زدنا همومه و عليه !
2- طرح المشكلات بالبلاد و الاسراع في ايجاد الحلوول و تطبيق هذي الحلوول !
من عرفت المجلس ! و انا اشوف نفس المشاكل بالهديرة !!
- البطالة !- الواسطة - تردي المستشفيات و الخبرات فيها (( كلهم من برا و اردا ناس مشكلة و لو فيهم خير جان دسرتهم ما ضحت فيهم لنا !!)) - المدارس و المناهج -الروتين بالهيئات و الوزارات الحكومية - الاعلام اللي واقف بمكانه !- الجامعة و مستواها المتدني و عدم وجوود اي رقابة على الهيئة التدريسية و المناهج- و غيره 0000؟؟ ماراح اخلص 00
كل هذي مشاكل موجودة !! من زمان ! و ما شفنا حلول ! و لما اقول حلول لقصد حلوول جذرية مو سطحية ! شغل شعارات حق لالنتخابات الجايه ؟؟؟
3- تشريع القوانين 00
نشووف الكل يفتي بهالمجلس و اخرتها يطلعوون بقانوون يحطونه عالرف و محد اطبقه مثل قوانينن البلدية !! (( عندكم خبر ان في قانوون بالبلدية يقول ممنوع يصبغون البيوت بغير البيض و البييج ؟؟؟؟؟ (00ههههه الكويت بيووتها الواان و اشكال ! شكو حاطين هالقانوون اذا ما تقدروون علييه 00
4- تمثيل الكويت خارجيا 00
الصراحة و مع احترامي للنواب انا ما ارضا انهم امثلووني 00 مو فالحين فيه غير المسابب و تحذف قلاسات بالمجلس عالهوا !! بدوون ما يحترموون المكان اللي اهما فيه !! ما اعتقد هذيل كفو امثلوون ديرتنا (( مو الكل و انما الاغلبية )) يا السانه طويل و بس يسب و يصارخ عشان شوفوني انا بطل 00 صوتولي 00 او مسكيين كافي خيره شره كله ممتنع عن التصويت 00 يا ما يحضر الجلسات خيير شر ؟؟
بالنهاية ؟؟؟ بو ناصر ان قال كلمة تمشي قصبن على الكل !! يا ببوسة خشم ؟؟ او (نمشيلك معاملاتك- ندعم السنة الجايه بالانتخابات - نعطيك منصب اذا ما نجحت-نقرقش لك المخبة
( و الشاطر يفهم

اللي فعلا قاعد يصيير بالمجلس 00
100,000 د.ك لكل عضو تعديل وضع اول ما يفوز !
معاش صراحة ما ادري جم بس الوووفات !!
سيارة و تلفوون و ديكوور لزووم المركز !
سفرات لتمثييل الكويت ؟؟ على طيران خاص من الدرجة الاولى يكلف الووفات الالوفات على الدولة 000
جواز احمر !!((حصانة سياسية ))
بشت و بخوور ههههه اتقشمر
نلاحظ فيه امتيازات حق العضو واجد لاتعد ولاتحصه و مكلفه ميزانية الدولة !! و هل فعلا العضو الكويتيي قاعد يقووم بدووره عشان ياخذ كل هالامتيازات 00
و الله المدرسيين يتعبوون اكثر 00
فا انا اقترح !! ان يناغي المجلس و خاصة ان لا قاعد يمثل الشعب ولا شي !! و كل اللي قاعد يصيير تمثيل بتمثيل و بالنهاية الحكومة كلامها يمشي من غير نقاش فلييش هالديكووور !!
هالفلووس الكويت و الشعب اولى فيه
و اذا عشان يقولون عنه دوله ديمقراطية 00 نكتب بنص علم الكويت 00 تحيا الديمقراطية 00 و نخلي الطلبة بالمدارس يحيييون : عاش الاميير + تحيا الكويت + تحيا الديمقراطية 00 و تحيا الامة العربية 00 و احنا اللي خالصيين !! لا تكلف السالفة و لا شي !!

قوولي معاي ! فلتحيا الديمقراطية و ليسقط مجلس الامة !




سلامي للجميع