السلام عليكم
هذي قصيدة مدح اقولها في رجال يستاهل المدح وارجو ان تنال اعجابكم
ياكيف انا ببدى وبآقــلّــب البال = في مدح رجال ٍ عسى أمره تساهيل
ياصاحبي يافهيد ياطيـّـب الفال = ياطيب فالك يازعيم الرياجيل
لاجيت في مدحك يبي الراس فنجال = ولاجيت في وصفك ِتزاد الفناجيل
لو قيمة الرجال بأموال وأموال = قيمتــْــك تعلى فوق كل المشاكيل
المرجله تبغي على العسر رجال = وأبو حمد كفو ٍ لها بالتهاويــل
والدل لو ينطق ترى قالها قال = يازين دلــّـك ياكعــام المهابيل
يامحزمي تبقى على كل الأحوال = تبقى عضيدي فالليال المقابيل
وإن كنت تطلبني على مثل ذالحال = أبشر بعزك في معادى الغرابيل
ياصاحبي يافهيد ياطيب الفال = ياطيب فالك يازعيم الرياجيل
إن غصت في مدحك فلا واصل الجال = وإن قلت في وصفك يبيلي كشاكيل
وتـــمــــــــــــــــــــت
العرض الشجري