في البدايه احب ان اشكركم واشكر بني عمي وكل من قام على هذا المنتدى الشامخ بشعرائه واتمنى ان اكون احدهم واخوهم الصغير ..تمنيت ان اشارك بأجمل القصائد بالمصافحه الاولى بيننا .لكن شاءت الاقدار ان يأتي رحيل ابونا جابر الله يرحمه ويغفرله .فبديت البدايه بهذه المرثيه المتواضعه ...
اخوكم الصغير \عامر الجعيدي.
الله يعظم اجركم راح جابر=الله يعظم اجركم يا هل السور
لو بيدنا نفديك عالروح تامر=فدوة عيونك كل شهيدن ومأسور
يوم الغزو والكل ثاير وحاير=والدار تصرخ سورنا اليوم مغدور
ما أهملتنا ثم قلت ويش الي صاير=عشنا بكرامه والغزو سبعة شهور
ثم رحت واشنطن وبالهم ساير=يوم ادمعت عينك من الظيم والجور
والله ثم والله ماني بقادر=وشلون ابرثي شيخنا اليوم بسطور
ياشيخنا منت الذي مر عابر=من بعد موتك خاطر الشعب مكسور
صحراك تبكي والدموع اتناثر=والجون يشكي حزن فرقاك للخور
لا يا الحبيب الي رفعت المنابر=لاياذرى الايتام ياباني الدور
اخجلت شعبك كلمتك دوم حاضر=غطيتنا بالخير مامنك اقصور
مرحوم يالي مثل شرواك نادر=مقهور شعبك والله اليوم مقهور
يوم الاحد ذالكون يبكيك خاسر=والارض قالت عقب فرقاك مادور
الشعب كله ودعوك المقابر=في منظرن وقف له الكون مبهور
الله يصبرنا مع كل صابر=وياجعل قبرك واسعن نور في نور
هذي قصيده قالها اليوم عامر=وان كان ما وفت عسى اكون معذور
23-01-2006, 02:12 AM
العرض الشجري