من المعجزات الشعريه ..!!!!!!
--------------------------------------------------------------------------------
... من المعجزات الشعريه ...
الشاعر الكويتي المعروف ( مرشد البذال الرشيدي ) من كبار شعراء النبط في هذا العصر
ومن خلال تصفحي لديوانه عند احد الاصدقاء ... لفت نظري قصيده معنونه بعنوان من
المعجزات الشعريه وهي توقف على اربعة قوافي ... اقدمها لكم عسى ان تنال اعجابكم.
داج الظلام انزاح .. والنور له ضوح......نور الصباح مضيـح .. والليـل زايـح
مالي هوىا بمراح .. والقلب ملدوح......فكـري مـن التلميـح .. غـادٍ شلايـح
كني على لفّاح .. غصن ٍ بلحلوح.......قاعه حـزوم وشيـح .. وارضـه كلايـح
يا مشغل المرتاح .. بسك من النوح.....ورق ٍ على التطويح .. مـا هـي شحايـح
يا من طربك انياح .. كدرت مجروح.......طَرْبٍ وهـو تفويـح .. جوفـه قدايـح
صفقت راح براح .. لحت النحر لوح.......لوحة يتيـم ٍ ليـح .. دمعـه سبايـح
يا القلب وطرك راح .. ما ظن له قروح......اليـوم بالتشبيـح .. مالـك صلايـح
يوم الدروب اسماح .. والدرب مفتوح.....بديت فـي تفصيـح .. قـولٍ صحايـح
اخذت لي مشواح .. باسرار وفروح......ركب الغـرام مشيـح .. هجنـه طفايـح
لي بالهوىا ميـلاح .. والهـم مكسوح.....وامْوَقـعٍ تصحيـح .. حـب الملايـح
قلبي كما الملـواح .. بيديـن طاروح......مـن كثـر التلويـح .. رزقـه توايـح
السد ما ينباح .. مـن غيـر ساموح.....واللـي زَرَىا بقريـح .. خلـه يصايـح
يلومني من كاح .. شين اللغىا كوح....خبـلٍ عطـي تسنيـح .. جـاك امتدايـح
تسلـي الارواح زاح .. الكـدر زوح......حـبٍ بـلا تبريـح .. مـا بـه بجايـح
لو الهوى ذبّاح .. له ميل ورجوح......ولا حدٍ يعيـش امْريـح .. والعمـر رايـح
واليوم لي مصفاح .. عن ورد وسروح.....الجهل هو تلقيـح .. غـرس القبايـح
يـوم الموقـر لاح .. انـا ويـن اباروح......بديـت بالتصليـح .. والله يبايـح
كيف الحوَل يا صاح .. في عذلة الروح......شف لي هدف يا شيح .. ذرب النصايح
ما كتب بالالواح .. ما هو بممسوح.....اليوم هـو توضيـح .. عطـب الجرايـح
من عاش بالافراح .. لابد من النوح......سـاس بـلا تسليـح .. خطـر اللوايـح
والعقل هو مفتاح .. بيبـان مصلوح......وينّزِّحـك تنزيـح .. عـن كـل سايـح
عن ربعة السفاح .. يا القلب ونصوح.....لا تتبعـه وتطيـح .. مـا بـه ربايـح
مثلك ليا من طاح .. خـلاه مسدوح.......اتـرك ردي الكيـح .. زيـن السنايـح
زبن الرفيق شناح .. بالطيب له نوح......من ورد عين السيح .. عاف الضحايـح
نفسه على الامداح .. قد شاحها شوح.....ذكره مع اهل الفيـح .. واهـل البرايـح
خله وراك سناح .. عـن كـل كاثوح........ينجِّحـك تنجيـح .. رجـل المدايـح
كنه بكرب شباح .. للضد ذرنوح..........صميـدع ٍ زحزيـح .. عطـب الجوايـح
ليا عذي المياح .. في جانب الصوح.......كان الـروى تنشيـح .. للدلـو مايـح
كسب الفخر بكفاح .. وان طـرد الفوح......خيالـة التصفيـح .. راحـوا قمايـح
من جاكر الارياح .. والغزل منطوح.......غلبت هبوب الريح .. في ضـرب لايـح
ترى القشر فضاح .. راعيه مفضوح.....جعله معه تسريـح .. لاقصـى التنايـح
دايم وهو نباح .. والجيـب مسروح.....ثوبـه مـن التطبيـح .. غـادٍ سرايـح
لا تستوي قداح .. لو كان بمزوح.......ما فيـه هبـت ريـح .. مـزح الفضايـح
من للملا جراح .. لا بـد مجروح........جلـده مـن التجريـح .. غـادٍ صفايـح
واحذر من اللحاح .. تراه مشفوح.......لـو كثـر التسبيـح .. مـا مـن فلايـح
ناسٍ بثوب صحاح .. والفعل مكبوح......تنهى عـن التوكيـح .. وهـي الوكايـح
وسلامتكم
24-12-2005, 12:19 AM
العرض الشجري