رايق مزاج الليل يامتعبينه=درب السهر تاليه ضيقة وانهاك
احدٍ بقرب الليل تصفق ايدينه = ينزع ويلبس من يد الهم ماحاك
واحدٍ يموت الليل قربه بحينه=لاشوق لا حرمان لاخوف وارباك
واحدٍ على غاليه زايد حنينه=من حر مابه للرجا يرمي اشباك
يالليل يامرسي الحروف السجينة=لبس عباة الهم صيفك مع شتاك
ليلٍ بلا عشاق مفقود زينه =ضم الصدى يالليل واستعجل خطاك
يالليل ياملفي القلوب الحزينة=ماكل من خاواك يطرب لملفاك
كم خافقٍ ملتاع يكتم ونينه=ظامي وعمر الحظ ماقال له هاك
وكم خافقٍ عيا يوفي بدينه=ياذا البعيد ابعد عن الشر ينساك
ياحرف ياتايه مخاويك وينه=في زحمة الحظ الردي وين يلقاك
دربٍ يحول الموج بينك وبينه=فيه الرجا أوهام تاهت بمرساك
ياعاشق المسرى بزينه وشينه=لا يبهرك نورٍ تلالا بمسراك
جمرة غلا تبقى جروحٍ دفينه =والموت في كلمة أحبك وأهواك
ضايع كلام الليل يامرتجينه =والحر تكفيه الإشارة من هناك
وسلامتكم
للشاعره : رموز
العرض الشجري