يابنت ممشى الدلع لاعـاد تمشينـه=اللى بك من الحلا والزيـن يكفينـي
ماقد ملا العين كون اللى معـا زينـه=ثقل ورزانه وهـذا اللـى مشقينـى
اللى حلا برقعه جاء من حـلا عينـه=عين هدبها كمـا ضـل البساتينـى
أ بـو جديـل تعـدا حـد ردفيـنـه=لا فلته قمت اشـوف اللـى ليلينـى
ولاقام من كبر ردفه قلـت ياعوينـه=واليا مشـى قلـت لابالله ياعوينـى
والجسم يشكى على الملبوس من لينه=كنه يقـول لعبـاه الكتـف ضمينـى
واليا كشـف برقعـه لاكـن خدينـه=براق ليل سـرا والنـاس ممسينـى
كل العذارى خلقهـا الله مـن طينـه=وأستغفر الله ذى ماهيب مـن طينـى
من نور مدرى من البرزخ ونهرينـه=أو عينه من بنات الحـور والعينـى
عـزى لحالـى وياقـرده وياشينـه=لاشفت بعد المسافـه بينـه وبينـى
والحب سحـر وخمتنـى شياطينـه=واليوم يابنت لك دينك ولـى دينـى
روحى وممشى الدلع لاعاد تمشينـه=ماغيـر لباسـه البرقـع ملاعينـى
لـلـشـاعــر / الـصــامــل
العرض الشجري