السلام عليكم ورحمة الله وبركاته
اضع هذي القصيده الرائعه لشاعرا يعتبر من اجزل شعراء الساحه وهو سلطان بن وسام الهاجري
مرحبا يا اعذب الاصوات واغلاها = صوتها العذب مرسلته على شاني
والمشاعر ترحبه من اقصاها = من خفوقي ومن دمي وشرياني
كل كلمه تداعب حمرة شفاها = تمتلكني وتامرني وتنهاني
انا وارضي وشعري من فداياها = حتى بحري ولولوي ومرجاني
وان كتبت القصيده في مزاياها = اتحدى بيوت الشعر تعصاني
مير حتى قوافيها ومعناها = كل حرف(ن) يسابقني على الثاني
وكل بيتن تثنى في محياها = يحمل اسمي وتاريخي وعنواني
وكل حرف(ن) تلببها وخاواها = عود جاوي وكمبودي وريحاني
والله اعلم ولولاها ولولاها = ما تحديت ظرف ولا تحداني
لين راحت وراح القلب وياها= قلب سلطان مير الحب سلطاني
حطته تسنه الخاتم بيمناها = مثل خاتم نبي الله سليماني
وكل طعنه من الغالين حياها = قد ذبحني غلاها العام واحياني
كنت من حبها اكتبها ولا اقراها = مير ذلحين تكتبني وتقراني
وفي حياتي من اولها اليا اتلاها = مهرتن تسنها من خيل جداني
كل ما وصفوها تسنها اياها= بس هذي بليا سرج وعناني
سرجها الليل لا انهل وتغشاها = تفهقه عن جبين الصبح لا باني
وان نطحها الهوا والا تقفاها = قمت اغني لها لاحي وليحاني
واسمعتني وقامت تقصر خطاها = وازرقتني برمحن ما تعداني
وقفت لي بخنجرها وشلفاها = واقتلتني ويا ربي لا تبلاني
__________________
اللهم احفظنا بحفظك
15-08-2005, 03:05 AM
العرض العادي
