هذه القصيده من افضل القصائد التي قرائتها
يامن يشيل الثوب ردفك ليا قمت=وبيض المدامع وسطها العين شامه
والرمش صفت عسكرا يوم سلهمت=يطلق سهوم وعسكرا في نظامه
وسطك ثلاث اقفال لو ماتحيزمت=شهانه النظرة وممشى حمامه
ياسيد الخفرات ليتك تكلمت=ترى البخيل اللي يشح بكلامه
كني ليا شفت مع المحرم احرمت=وحجيت بيت الله وطفت بمقامه
لوني الكافر ليا شفتك اسلمت =وربيتلي لحيه ليوم القيامه
علمتني سهر العيون وتعلمت=وطرد الهوى وانا بقلبي غشامه
هذي ليال سود وايام مانمت=جفني لا والله مااهتنا في منامه
عزالله اني عن هوى البيض قد صمت=واللي يشوفك غصب يجرح صيامه
ياللي على قلبي حكمت وتحكمت=جسمي ليا شافك تراقل عظامه
وانته بذبحي يادعج العين ساهمت=ماخفت من ذبح العمري واثامه
ياناعم الاطراف هايمت هايمت=والحمض عندك والدبادب اهلامه
الحمض كلمه طيبه لو تكرمت=والمحترم يفرض علي احترامه
وهمس العيون ينور الدرب لاظلمت= والنور يطلع ويتقافى ظلامه
يامفسر الاحلام باسمك تحلمت= اعرف حلال الحلم واعرف حرامه
لو انك اللي جيتني كان تممت = واعطيك ماتملك يديني غرامه
اضعفت لك نفسي وعن غيركم شمت=ونزلت لك راسا رفيعن مقامه
الله يبيحك لارجعت وتندمت=واقول مايلحقك مني ملامه
يالغالي دخيلك من النقد والشمت=الا اجنبي دايم عليه اتهامه
لو انها بسيوف وارماح هاجمت= والمنتخي والله ياصعب انهزامه
العرض الشجري