الفـــرق بيــــن الـــذيـــب والبــــــومــه

[الجويّر]

البوم فرخ البوم والذيب من ذيب = والفرق واضح بين ذيب ٍ وبومه

الذيب عالي فوق روس المراقيب = واكله من اللي طازجاة ٍ لحومه

والذيب مايرضى على نفسه العيب = يفنا وتبقى الروح فوق محشومه

والبوم نفسه بالردا تجهل الطيب = وهمـّـه من الدنيا يمسس هدومه

ماذاق عسرات الليالي المصاعيب = لامن ملا بطنه تهنـّى بنومه

ذاق الرباده وارتخى كنــّـه مشيب = ودنــّـق براسه واكفته في كمومه

واللي يهليبه ترى مثله امصيب = بوم ٍ يعانق بومة ٍ في قدومه

واللي خذاله بنت ناس ٍ بهم ريب = لاينجزع لاخالف ابنه سلومه

هذا فعل يمناه ماخذ لاجانيب = يوم ولده لاشاف زوله يشومه

لو يدفعه للطيب مامن تطابيب = علّه على كبده وكثــّـر همومه

واللي خذا بنت الرجال المعاريب = يبشر برفع الراس لاخاب يومه

يبشر بقرم ٍ شايل الهم ومجيب = وماعطـّر فراشه وذاق النعومه

ماهد حيله مقبلات ٍ مغاليب = ثنا لها الركبه وقوّا عزومه

ومشرب ٍ فعله من الطيب تشريب = وطيبه كفا خاله وكفــّـى عمومه

هذي الحقيقه قلتها بالمكاتيب = والفرق واضح بين ذيب ٍ وبووومه




وسلامتكم




الشاعر / سعود رتيبان الجويّر