قصيدة في السيد عبدالهادي بن ريضه(ابو نافل)

[فيصل المشوط]

هات القلم وكتب سلامي بترحيب=عد البلاد وعد حي ٍ وطابه
وعداد ماخط القلم بالمكاتيب=وعداد ما تـكـتب حروف الكتابه
للي نفل بالمدح والجود والطيب=دون الخوي والضيف ماصك بابه
حلال عسرات الامور الأصاعيب=رجل ٍ بعيد الصيت يحسب حسابه
يالحر ياللي مسكنك بالمراقيب=حر ٍ على العليا طموح ٍ جـنـابـه
طيـبك مع الاجناب قبل الاصاحيب=للخصم خصم وكل خصم ٍ يـهــابه
ابو نافل مافـيه شك وعـذاريب=كل المعانـي الطـيبـه تنهـقـابــه
عبد الهادي باللازمه والمـواحيب=يمشي على الموت الحمر مايهابه
سيف ٍمجرب مايبي اليوم تجريب=سـيف ٍمجرب بـلـقـا ينــسـطابــه
ريــف الضيـوف مدورين المعازيب=حرٍ تعـلا فوق عالي هـضابـه
من لابةٍ تبعد عن الشك والريب=عدوهم بالكون يـكثـر عـذابـه
جيتك على علمك ولابه مطاليب=حيثك على الازم سريع الاجابه

.................................................. .....................................

هذا وقليل بحق الاستاذ عبدالهادي بن ريضه (ابو نافل)

يجوز ان بعض الاخوان لايعرفون من هو ابو نافل وهو بمرتبة وكيل وزارة في المجلس الوطني للثقافة والفنون والاداب في الكويت, وهو شخص في قمة الاحترام والكرم وطيبه ورجل المواقف عند الازم مع جميع الناس ويستحق كل الشكر وتقدير