( مبخوت المهنا )

[ماجد المهنا]

السلام عليكم ورحمة الله وبركاته ..


اخواني مسيكم بالخير ..


يشرفني وضع هذه المتواضعه بي اقلامك الذواقه .. واتمنى ان ترتقي لذائقتكم ..


القصيده في ( خالي .. واخوي الكبير .. واستاذي .. الشاعر / مبخوت بن حمد بن عبدالله المهنا ) ..


صلوا عـ النبي ..




( أغلى قصيده )

قال : المهناوي وترجم له قصيده = من حشى جوفي تدلل يا قصيد
وقاموا العربان شلوها نشيده = واغلب العربان يطربه النشيد
أن كان يا قاف الشعر مثل الحديده = ما يفلك يا الحديد الا الحديد
يا طروق الشعر هبي يا عنيده = في سما شاعر ولد شاعر عنيد
علميهم فن منهو اللي يجيده ؟ = غير منهو لبر قيفانه يجيد
قافي اللي ما انتظر فزعة جريده = هز عرش الشعر واهتز الجريد
( أن قلت : أخو ساره وأنا ولد الوليده = كن بيت الشعر سيف ابن الوليد )
ذي دروب المرجله عسره شديده = قالها : شايب على الشده شديد
شايبٍ بالطيب له يمنى وكيده = كل ما جيته تبي علمٍ وكيد
أبوي رباني على نهج العقيده = احل ما يعقده راسك يا عقيد
جعل عظماته على الجنه سديده = بجنة الفردوس له رايٍ سديد
أن جيت ( مبخوت المهنا ) وش رصيده ؟ = في بنوك المرجله أعظم رصيد
يوم ذا الدينار تتكاثر عبيده = سخر الجزلات بــ يدينه عبيد
خالي اللي ما رخى للعز قيده = قيد العز الخرافي قيد قيد
الجبل ما حاد لو يحذف بحيده = والجبل لو حاد هذا ما يحيد
المرجله طفلٍ صغيرٍ بين إيده = المرجله صارت أسيره وسط إيد
هقوته هقوات شجعان وبعيده = أبعد امن الجدي وسهيل البعيد
لا يسار ولا يمين وكاد سيده = لبة اكبر قمةٍ لبيك سيد
يا نجوم الليل وش لي وش إريده ؟ = غير شبحة ذا السنافي ما إريد
لو تباشرنا بـ هلال وجاب عيده = والله أن شبحتك تسوى ألف عيد
البعاد اليوم لو نقطع وريده = جيت اغذي شبحتك عرق الوريد
والقصيده يالربع لو هي فريده = ما يرتبها سوى شاعر فريد
والقصيده يا عرب هاذي جديده = والعرب دايم تباشر بــ الجديد
وأعتبرها ذي ترا ( أغلى قصيده ) = من تعلمت القوافي والقصيد !؟

وسلامة روسكم ..


* اعلوا لو كتبت بكل لغات العالم في هذا الرجل .. لن اوفيه ذره مما قدمه لي ..


أخوكم /


ماجد المهنا