رجالٍ ما وصلنا وزن وزنتهم من المثقال

[عـزام]

مساكم الله بالخير جميعا...

قديما قالـوا الشعـار ديدنهـم بكـا الاطـلال = على رغـم القسـاوه ميـر فيهـم زود حنّيـه
على رغم القساوه والشقـا والحـل والترحـال = وشظف العيش والعوزه وقـل المـال والميّـه
بقـوا للعهـد صوّانـه وفيهـم للوفـا مدهـال = نقييـن السريـره مالهـم بالخـبث مـارّيـه
فنوا.. باطلالهم..واجسادهم لكـن بقـت لفعـال = بقي ذكر البسـوس وجـود حاتـم والحديبيّـه
وجا من بعدهم جيـلٍ يسمـى حقبـة الابطـال = مثـل راكـان بـن حثليـن والدوشـان وبنيـه
و(ابو خوذه) وابن هادي وشيخ الشمل ابن هذال = فحولٍ لابغيت احصي شيمهم ما انحصـت ليّـه
زحازيح الرجال اللـي يمانيهـم ذرا وطـوال = رجالٍ تعشق الصـولات والجـولات والهيـّه
رجالٍ ما وصلنـا وزن وزنتهـم مـن المثقـال = ولكن يا أولـي الالبـاب عبـره جـات مثنيّـه
تمثلت المثايل يـوم شفـت الحمـل زاد ومـال = على نفسٍ لك الله مـا ادّانـي رومـت السيّـه
ولا ترجي مْن الصاحب سوى طيب الوفا والفال = ضحوك السن ما يخفي ورى ضحكه كراهيّـه
وانا والله للصاحـب صخـي الكـف والآمـال = اقـدر وآحشـم رفقـتـه كالعـانـي لعانـيّـه
يقوله من حداه اللي كثيـر الشيـن والمحتـال = هل المعكوس في النيات والروحـات والجيّـه
ولو شافوا الغريق اللي عيونه تستغيـث الجـال = فلابـه مـن يمـد ايديـه قبـل تلوكـه إلحيّـه
رفيقٍ ما يقـدر رفقتـي مالـه معـي مدخـال = عسى الله يقطع الرفقه اليـا صـارت دوينيـّه
ببيع الشقلبانـي صاحـب الهرجـات والبطـال = الى صار الردى والطيب في عينـه سواسيّـه
انا شفي صميدع راس تنصـاه القـدم بالحـال = الى منه تكـدر خاطـري فـي ذات عصريّـه
وانا لله شكري ما علـي قصـور بايّـة حـال = ولكن رفقـة الطيـب تزيـد الـروح طاريّـه
الشاعر..
حسن العرجاني