منقوله عن جريدة الجزيره.

[محمد آل نصار]

السلام عليكم ورحمة الله وبركاته:ـ

أعجبتني وهو جديرة بالأعجاب لتعلقها بالقهوه وهي للشاعر/عبيد بن حمود العتيبي - أمير بلقا

ياذيب شب النار ياذيب شبه=وانهض سناها لين ينقاد وسيبه
وطرف لها المله لياما تشبه= واحمس وبالك واللهب لا يعيبه
وكبه بنجر يعجبك حس دبه=نجر ليا طق المولع دري به
صده ودنه حمو حيلك ينبه= ومن له غرض بالكيف لازم يجي له
ولقم بدله مولع عقب ربه= جنفا كما خرطوم وضحى رعيبه
وليا ضما لك جوهره ينتكب به= اصفه وصفه عن متالي سريبه
فيها صفاه وكل رنق يطبه= هيل ومسمار مع ارناق طيبه
فنجالها بالعين يعجبك صبه= اشقر كما الياقوت منقاد جيبه
فنجالها للراس هو ساس طبه= واللاش لو طال المدى ما درى به
لو هو يثمن حقه ما يكبه=اخير من عنده سبوح الرويبه