شيخ(ن)يعادل لـه لحالـه قبيلـه

[خليف الوهيداني]

امسية مليجه الشعريه

وقصيدة الشيخ راكان بن خالد الحثلين

بديـت بسـم الله منجـي دخيلـه=ربٍ وله تسجد جموع المصليـن
وتخضع له نفوس الاوادم ذليله=لاجله ويعلم ويش بالغيب مخفيـن
ماخاب منهـو بالعسـر يلتجي لـه=وفي ماحكم كل المخاليـق راضيـن
ومن بعد ذكره يبدي خليـف قيلـه=في شيخ قومٍ للمواجيب راهين
الشيخ ابـن حثلين راع الجزيلـه=راكان بن خالد حفيـد السلاطيـن
حرٍ مداهيلـه بـراس الطويلـه=مسلس ٍ طيبه من الشيخ حثلين
شيخ(ن)يعادل لـه لحالـه قبيلـه=طيبه على الادنين ويطول الأقصين
راع العلـوم الطيبـه والجميـلـه=أدري وأعرفه قبل لاتشوفه العيـن
يلوح طيبه مثـل بـرق المخيلـه=مثل السحاب اللي له الناس راجين
غر المزون اللي سقى الارض سيله=يحيى شجرها عقب موت له سنين
مايروح يم الطيـب طيبـه يجيلـه=ولاهو خفا طيبه به الناس داريـن
مثل الدواء يشفى النفوس العليلـه=وتفخر به مليجه من أول وهالحين
عز الرفيق وعز من ينتخـي لـه=رجل(ن)على الشدات والعسر واللين
رجل(ن)خدم بالمجد قومه وجيلـه=وفي صفحة التاريخ تبقى عناويـن
صـلاة ربـي عـد نجم(ن) بليلـه=على نبين بعـث بالحـق والديـن

(خليف الوهيداني)