مصافحة أولى بقصيدة ( تاهت حياتي )

[بـوح]

شفت العرب كلاً وله قرب وأصحاب
وأنا غريباً وسط أهلي وناسي
تاهت حياتي بين خادع وكذاب
والحظ أقشـر والزمن دوم قاسي
لا شفت ضحكه صرت خايف ومرتاب
خايف يخيب الظن ويخيب راسي
ما عاد أفرق بين عدوان وأحباب
صارت حياتي كل أبوها مآسي
لا جيت أبشكـي هم ينقال نصّاب
ما أحداً درى إني على المر راسي
وقتي عقيم وفرحتي مالها كتاب
وهذا أنا محتاس بين الكراسي
أشكي همومي عند ربعي والأغراب
ولا شفت فيهم من هو اللي يواسي
من وحدتي ضوي على دنيتي غاب
وأتلف ظلام الوقت باقي غراسي
كلاً يناظرني وأنا راس مرقاب
يقلون ما به شر ما فيه باسي
ما هم بيدرون إنه القلب منصاب
من دنيته ... من حظ ... مـن وقت قاسي

بقلمـي : بوح ..