إن قلت وش لونك ؟؟؟ خالد الفيصل

[اقداااام]

إن قلت وش لونك فلانيب بالحـيــل ...
همي كبير وداخل القلــــــــــــب عله
عيا يرد الصبح مسـترسل اللــيــــل ...
وعيا يقوم الحظ من طيـــــــــحــــة له
رجلي وغيري راكب صهوة الخــيـل ...
اشقى وغيري ياخذ الــــكــــــــار كله
يابندر امزج فايــح البن بالهـــيـــل ...
وبــــهر بها يابوك للكـــيـــــــــف دله
ابااطرد هموم تلاطم كما السيـــــــل ...
كل مابغى يـدله فـــــــــــــــؤادي تتله
عجزت متوني وارتدم فوقي الشيـــل ...
والرجل جاها من حصا الــــــدرب خـله
تمشي جروح الوقت في خافقي غيل ...
وتلمع سيوف الضيم في الوجــه سـله
إن قمت طق الغار راسي من المـــيل ...
وان جيت أبا اقعد فوق جمــــــــر ومله