يالله يامعين يا روّاف
لتسمح امري وتهديني
لي من ضلالك ذره ولحاف
يامبدل العسر بالليني
ليا توكلت بك ما خاف
ادوس روس الشياطيني
وين انت غايب يابوعساف
وحشتني يا احمر العيني
والا ترا ماعلي اخلاف
طيّب وربي معافيني
لكن سويّت لك القاف
اسمعها اربك اتجاريني
الحق والعدل والانصاف
نقطة قلم بين قوسيني
وزارة الشؤون والاشراف
اشكي لها ماتشكويني
وزيرنا ياسيّد العساف
مالله ابهاديه يعطيني
ومكاينه الالي الصراف
الي اطلع ملاييني
يصلح له مثل ابو نواف
يسحب بدال ألفه الفيني
وانا معدي على المشراف
واقرب منافس اموازيني
يا اهل المصالح والاهداف
تريّحوا يامساكيني
نسدكم والحمول اخفاف
على ظهور البعاريني
بالمختصر والسنين اعجاف
بقول والناس توحيني
ماقاله محمد الصحاف
قاله الصعوط المجانيني
اشوف شيات ماتنشاف
اتحيّر اقدام رجليني
مشيت قدم ورجعت اخلاف
من منكرن شافته عيني
الدين والسلم والاعراف
ان بعض الاشيا تعديني
انا كفو واحمي الميقاف
وربعي صعوط المجانيني
18-08-2012, 05:42 AM
العرض الشجري