قربت لجازة ..!!

[محمد بن منصور]

السلام عليكم ورحمة الله وبركاته

قصيدة جديدة بمناسبة قرب الإجازة،وأنا بصراحة مبطي من الشعر،لكن لتنويع المشاركات..

قربت لجازه واحجزوا له عمامه=إل ديرة ٍ ماكل شخص ٍ بياتيه
إن راح راح ورافقته السلامه=وانا انتظر طيفه يجيني بطاريه
كريم غير إنه يشح بسلامه=ماهو يلد العين للي يحاكيه
امن الظبي في جظته به علامه=متوحشن حتى إمن اللي يناديه
فازت بقلب ٍ ماتشيله إعظامه=صدفه وجثت من مكانه عراويه
ياحن قلبي حن خطوى الجهامه=وردت على عد ٍ إعتاق ٍ مواريه
ماباقي إلا شلخة ٍ من مقامه=شدو قطينه واحكم العد راعيه
إلى طرى خد ٍ غدا فيه شامه=ومبيسم ٍ كن البرد بين اشافيه
الراكد اللي حكمته في كلامه=والذ طعنات الشقى في معانيه
قربت لجازه واحجزوا له عمامه=إل ديرة ٍ ماكل شخص ٍ بياتيه

وسلامتكم والمعذرة على طريقة الكتابة ،للوزن اللغوي فقط..