قصيدة حلم المطر والسحاب
لشاعر الكبير سالم المعاوي
شميت ريح المطر خايلت برق وسحاب
............وحسيت في داخلي فرحه وشي(ن) غريب
واقول يارب من يدعيك ما يوم خاب
............يالله تجيب المطر فانت السميع المجيب
وعشت حلم المطر يضرب جباب التراب
................وينثر علينا رذاذه ريح كاذي وطيب
الين حلمي تهادى في الحقيقه وغاب
...........وبانت الشمس واجتاح المكان اللهيب
وضاقت الارض بي ذرعاً..وروح الشباب
..........قد وادعت واودعتني في طريق المشيب
والشيب ماهو بعيب او فيه شي(ن) يعاب
............الشيب حكمه وقار ورأي جيد مصيب
المعذره ما تقدم قيد تحت الحساب
..............وسجلوا ما تبقى في سجل الحبيب
فاجأتني يوم وعدك لي تلاشا سراب
...........وانا على الوعد واقول المواصل قريب
ياصاحبي لو يحدك من ظروفك صعاب
.................العذر واجب سواء من غريب او حبيب
خليتني عشت في حلم المطر والسحاب
...................وصحيت وانا محاط(ن) بالسكون الرهيب
ولولا غلاتك وربي ما يجيك العتاب
....................لكن بالقلب لك ميزه ومنزل عجيب
ســــالم المــــعـــاوي
الاكلبي
01-03-2012, 10:55 PM
العرض الشجري