أعجبتني وحبيت أنقلها لكم بس ماني عارفه حقت من
تـلايم الغيم ياكبـد السما هلـّي = وأسقي ديارٍ ظما الاوقات طايلهـا
من عام الاول وانا اللي مابرد غلّي = آدلـّه النفـس وآجامل وآحايلها
الحال منسلّ قبل السيف ينسلّي = تـواردت كلها والمتن شـايلـها
أما وصلت السما ماهي بتنزل لي = واليا تعـديتها ضاعت جمـايلها
هذي وهذي وياكثري وياقلّي = وأسيـر في عدلها وأخطيت مايلها
أصوم وأدي زكاة المال وآصلي = ولا أحتمي كلمةٍ مانـي بقايـلها
أروح كلي واجي في لازمي كلي = والمقبـله ماني ملـقّي قفاي إلها
أقيسها صح بالسنتي وبالمـلي = والوزنة الـوافيه بإيـديّ كـايلها
بس الزمن ماضبط دلّه مع دلي = صلفـات الايـام ورتنـي هـوايلها
تقبل وأرحـّب بها وأفز وآهلي = ومـاقدّمت لي فلاني عنـه سايـلها
سبحانه اللي كتب لي دقي وجلي = قبـل البـراريق ماتلـمع وآخايلها
فالحمد لله وأنا بالصبـر متحـلّي = هذي فروض الصلاه وذي نفايلها
والله ماغـير ربـي بان له ذلـي = لـو الجزيره تواجـهني قبايلها
ماني باآلـمّح بقولـة ياللـي وياللي = من راسي اقدح لعاقلها وعايلها
العلـم لأهل النظر واضح ومتجلي = تفـرق سمان الرعيه عن هزايلها
الخبت واطي وراس الرجم متعلي = وأم المحـابيل طاحت في حبايلها
يجدّ واحد وعشرين الف متسـلي = ماتثبـت الحجـه ان غابت دلايلها
يامن شكاويه : طال الهجر ياخلي = الهـاجره كبـها واحـرق رسايلها
والاّ انتظـرها ورددّ شلـني شلـي = واصبر على مايصيبك من عمايلها
18-07-2011, 03:34 AM
العرض الشجري