قصيدة لى الشاعر /سلطان الهاجرى يا لحون العود ...!

جـاركـ الله..! · #1 07-11-2010, 08:27 PM

السلام عليكم ورحمة الله وبركاته
:
أقدم لكم الشاعر الكبير: سلطان بن وسام الهاجري شاعر العرب
:
أتمنى أن تنال على اعجابكم ورضاكم
:

يالحـون العـود والا يامجاريـر الربابـة***إختلف معنى القصيد وضيّـع الفنـان فنّـه
حلم مدري علم وإلا نوض برقٍ في سحابة***وأثرها طلّة جبينه يـوم زاح الليـل منّـه
أقبلت مثل الفرس لا سمعت طبول الحرابـة***مقتفيهـا ليـلٍ أسـود والنجـوم يفرّقنّـه
النهار يمـر ويعـدّي وليلـه فـي عقابـه***والنحـر صبـحٍ تجلّـى والجدايـل كنّهنّـه
مخملٍ يلتفّ حول الجيـد الأتلـع بالنيابـة***عن سلاسيل الذهب والماس خوف يجرّحنّه
غاب عنّي والوله خلاّه عندي فـي غيابـه***مادرى إن فرقاه نار ولا درى إن لاماه جنّة
ياوجودي وجد عـودٍ لا عيـال ولا قرابـة***ماجـداه إلا يـونّ ويـردف الونّـة بونّـة
مالقى فزعة رفيـق ولا دعـاةٍ مستجابـة***كلّ ما أمسى له بظنّ خيّبـت الايـام ظنّـه
ياوجودي وجد من صفّق على ماضي شبابه***بأن شيبه والسنين اللـي يبيهـن خالفنّـه
غرّته خضر السنين وراح عمره مادرى به***غرّرنّـه وأرفعنّـه ليـن سـجّ وحولنّـه
ذاك وجدي في غياب اللي نزح والله جابـه***صح فرض الله فرض وسنّة الرسول سنّـة
الغلا جسمٍ رقيقٍ مرهف احساسـي ثيابـه***مثل غصن الورد يوم إن الهبايب يطرقنّـه
مازرعت إلا غـلاه ولا نقلـت إلا صوابـه***والحشا ماضاق من خضر الطعون المستكنّة
ياحبيبي مازها كفّ الخضـاب إلا خضابـه***فيه نظم المفردات وفيـه للعشّـاق عنّـه
الظبي ماله شبيـه وبينـك وبينـه تشابـه***إلتفت بشويش وألقى فيه منك وفيـك منّـه
خالقك من فضّل محمد على كلّ الصحابـة***وسخّرك مثل المهار اللي تسخّرها الأعنّـة
والثنا والشكر للي رحمته تسبـق عذابـه***لا لخلـق الله شكـر ولا لخلـق الله منّـه
قاله اللـي ماخـذا ممـا يريـد إلا هبابـه***خيرة الفارس ثنيّة خيـل صفـراً مستعنّـة
انشالله تنا على اعجابكم ورضاكم

تحياتي لكم :هادي العجمي .

مـح,مـد بـن راشـد · #2 07-11-2010, 08:43 PM

صح الله لسانكـ ولسان شاعرها

صحيح
/
قصيدتن تتلى عــ معشووقها مضمونه طيب ومحبه واحترام

ولاهنتـ ياهادي عـ النقل الرائعــــ

تحيـــــــــــــــاتيـــــــــــ