مساااااااااكم شعر وقوافي
:
صعبه اعيش ايام عمري بلياك
وانت الحياة بدون شوفك كآبه
تعــــــال خذني لاخر حدود دنياك
مليت اقاسي من زماني عذابه !!
حـــــــــاولت لكن ما تحملت فرقاك
بـُـعدك عذاب وفي حضورك مهابه !!
للشوق فيني شي لا ماعتقد جاك
حــــــــــوّل حياتي للملل والرتابه
أوقات اشوف ان الغلا ما تعداك
واحيان احس ان الهوى للغلابه !!
بين المحال وبين خافي نواياك
حار السؤال ولا لقيت الاجابة !!
كانك تقول همـــــوم وقتك تقفاك
وش حيلة اللي صار همه زهابه
يطرد سرابك في متاهات رجواك
نفس الطريق اللي مشيته مشابه
قلب ٍ يحبك كيف يسلا وينساك
ماللفضاء لو شفت دونك رحابه
خليتني عايش على حد الادراك
مثل الجريح اللي تمادى صوابه
ماحد ٍ ملأ عيني من الناس لولاك
في غيبتك كــــــل الاوادم تشــــابه
هذا الشعور اللي من اقصاي ينخاك
يبي القليل ومـــــا عطيته رضـــابـه
كل القصايد داخلي همها ارضاك
حبك مـــــــدادي لا بغيت الكتابه
أجيك كلي يــــــــوم كلي فداياك
كلش يهون الا الحبيب وغيابه
رد الوفاء والحــــــب للي تمناك
قفـّـى العمر واحلى ليالي شبابه
جاتك مشاعر مالها غير شرواك
دامك ملكت الروح وين الغرابه !!
*
*
*
عزااااااااااااااااااااااه
سلاااااااااااااااامتكم
23-07-2010, 05:23 PM
العرض الشجري