خفاااااايااااا ضمـيـري

[المنفرد]

حبيبي لا يغرك ضحكنا ساعه انا وياك
ترا في داخلي جمره سببها لحظة اغيابك

تموت البسمه الحيّه اذا ماعشت في ذكراك
تعال اشرح لي اظروفك وانا إمقدر اسبابك

فداك العذر واهل العذر واللي حال من لقياك
تعال وخلني اروى مدام ان القدر جابك

يضيع الوقت ياوقتي واقول ان العمر يفداك
واذا ماجيت ..تلقاني وقفت اهنا على بابك..

فديتك يابعد منهو نسا اهله بعدماجاك
أجيك بكامل الغيره لجل نظره من اعجابك

تقدرني..؟اجل اسمع وانا ماقلت لك اهواك
اعيش ابداخلك لو ماتقول اني من احبابك

هلابك يابعد عمري وانا كلي رهن يمناك
سنين العمر ..وبعد العمر ..لجل ارضاك واعتابك

حبيبي لا تقول اني من اغيابك قدرت انساك
انا وربي اشوفك كل لحظه وانت فغيابك

[المنفرد]

ينومسني من التاريخ صفحة ماضي الجدان
هالابل والصحاري قفر والرسلان والضيفه

معالمهم بيوت امن الشعر والصبر والشجعان
زمانن راح وايامه عليهم كانت امخيفه

ولا خافو ولا هابو ولا قلو مداد احسان
هذاك الوقت مامنهم حدِ يحسب تكاليفه

هذاك الوقت قوة قلب حدة شور صدق لسان
كبير القوم له رايه وله وزنه وتصريفه

يحبون المعارك والغنايم مكسب الفرسان
ياعون الله كأن القوم كلن يغزي ابكيفه

قبايل مارضت تخضع لحكم الفرس والرومان
ماغيرالله يحكمهم ولاهانوبتشريفه

ينومسني تواريخ البدو واذكر رفيع الشان
ياحي ذالعين لاقالو ترا هذي محاريفه

قصيدن يبهر الاذهان طبق الفعل والعنوان
ماهيب اقوال شاعر وقتنا الحالي وتأليفه

قصايد شيشت راسي قصايد شيخنا راكان
فرق لعيون براق النحر جمعين من سيفه

اقوله وانتخيبه كل ماشح الزمان وشان
وانا سيفي من اقواله سيوف اجدادي ارهيفه

ولاهانت قبايلنا نسل عدنان او قحطان
انا من ربعي العجمان اخذت العلم واضيفه

ترا ودك يرد العلم نسل احصان ابن حصان
مهي لحية قصايد واحدن كثرت سواليفه

يدربيها على كيفه كأنه طير ابن برمان
نشب فاحلوق خلق الله ولا صابت تعاريفه

يحسب ان القبيله تفتخر بالكذب والبهتان
يألف له قصص ياكثر تأليفه وتزييفه

ماعاذ الله من جنسه يكون الشاهد البرهان
مدام ان الشعر تحيا من اجدادي محاريفه

[المنفرد]

الله من عين(ن) بالاهداب ترمش
ترمي بخاف الود بلجيك ورماح
حدد سيوفه في عيونه وخرمش
قلبي ودقه دق مجداف مشراح
ياليتني في شوف عيني مكرمش
ما كان غار الجرح مسيال ينداح
هفت هبوب النود مقفي بجرمش
وانا الذي ماخذ مجيه ومرواح
سجت قدم تروي خوافي تعرمش
ورى سجن الصدر والسد ما باح
تصرم صرم تصريم صرمي بصرمش
يبرق برق تبريق براقها لاح
تلعب هبايبها تطرطم بطرمش
بالصمت مجرا العين بالحكي ذباح
يالين وردني لحوض المشرمش
والذاكره تجرح وجرحي لها صاح
تبغي تثور العافيه وسط ثرمش
وليا بغيته ما تهيا ولا ناح
ياوجد حال اللي خفوقه يجرمش
في رحلت النسيان شافه ولارتاح
من وجدته ساح الفكر وشتهرمش
يضن همه زاح وللحين ما زاح
هوجس علا لقياك من بعد فرمش
جيد علا الفره وتكسير الارواح
ترا نسيتك ما عليه بغرمش
لا تحسبن القلب من بعدكم طاح

[المنفرد]

الزيـن ياسعـود مشغولـن تلفونـه
والظاهر انه بعـد ياسعـود عطلانـي
أدق عشريـن مـرّه مـا يشيلـونـه
ياسعود ماكن وسط البيـت عربانـي
رحت أتنشد عنـه ناسـن يعرفونـه
قالوا عشيـرك لقالـه واحـد ثانـي
قلت الله أكبر ماصدق مـا تقولونـه
ماهوب حقن لطيف الـروح ينسانـي
دقيت فـي شارعـه رمـزن يعرفونـه
وصدفه طلع لي وهو ضايق وزعلانـي
وقلت أنت وشفيك وجهك مختلف لونه
بالله وش مزعلـك يااعـز خـلانـي
قال انزعج كـن بيتـي مـا تدلونـه
سيّر على البيت لو تنشد عن اخوانـي
ماهـوب لازم تلفـونـي تدقـونـه
لابد تنشـد مـادام الخـط عطلانـي
ياسعـود علمتهـا بهرجـن يقولونـه
وياسعود علمتها فـي كـل ماجانـي
قال الحسد طبع ناسـن مـا يخلونـه
وشلون تصدق لعدوانـك وعدوانـي
شرّع لـي البـاب العالـم يشوفونـه
نسى المذلـه بعـد عمـري وجدّأنـي
وسولفت والكابرس يمشي على هونـه
مع التقاطع ورى اشـارات خيطانـي

[المنفرد]

حبيبي لاتخف وأنته حرس عرشك بحـر وجبـال
عبـارة واضحـه يعنـي مراسيـنـا ترسّيـنـا

حقيقي والحقيقـة لاعجـب مـا تستحـق إجـدال
وماضيـنـا وحاضـرنـا غنـانـا لا غوانيـنـا

ولازلنا على صـدر الزمـان (مسجليـن أبطـال)
نعـم .. وامجادنـا فجـرٍ تبسّـم معجـبٍ فينـا

علمت أن الخطر والخوف والإذهـال روس أقـذال
تصيح بصوت يا مجنوننـا مـا شفـت صاحينـا

وفاح من الخجل مسك الجمال اللي غدى برجـال
ومدّيـنـا يديـنـا للمـصـالـح واستبـديـنـا

تلال وجنةٍ خضراء وصحـراء خدهـا مـا سـال
علـى ذلـك بـروق أخيالنـا ترعـد صحارينـا

بمعنى عالم الأمـر أول الدنيـا علـى الإجمـال
أعادتنـا صـور تسجيـل ماتـدري متـى جينـا

نسخ بالصوت والصـورة حيـاة مقـدرّة وآجـال
وسرّيـة قـدر غيـبٍ بمـا يضمـر يفاجيـنـا

يسامحنـا قبـولٍ كـان يمنعنـا عـن الإقـبـال
يـدق نحورنـا وأبحورنـا رحمـة ْ مناشيـنـا

من اللي ما يصدق لو أقـول أن الحيـاة انضـال
مـن اللـي مايحـس بقولـةْ أن الحـي يحيينـا

حبيبـي لا تسميهـا سـراب ولا كثيـب إرْمـال
وأنا أفهم وانـت تفهـم ويـش تعنينـا معانينـا

لقيت أن الهوى صمت وصموت وغشمره وإبسال
يا هل ؟ يكتب لنـا حـرف أبجـدي والاّ يقرّينـا

مراكيب الهوى العذري على جمر الغضـا زرفـال
علـى مــر الـعـذاب أتجيبـنـا ولا توديـنـا

يصورها القدر رحلة ويعرضها المصيـر أحـلال
يؤهلنـا نشـوف هلالـنـا فعـيـون أهاليـنـا

روته المعركه قصّـه واجلّتـه السيـوف إنـزال
تبلّـغ سعينـا رفـض التلاعـب فـي مساعينـا

تجلّت حالة البرزخ كهولـه فـي جفـون أطفـال
تلاحقـنـا نـجـاةٍ كنّـهـا تبـغـى تناجيـنـا

وحجم أصغر حجم ذرّة ووزن أصغر وزن مثقـال
بعد قتـل الزمـان اللـي متـى شينـا يمشّينـا

هبط مضرب مثل واعطى الصعود لضرب الأستمثال
وصوت البحر يمدحنـا وصـوت الريـح يهجينـا

زئير القسورة لـو سبّـح الليـل البهيـم أدغـال
شفـق شمـس الغـروب إفراقنـا ولا تلاقيـنـا

حبيبي ماعليش أهوى التّعمق قبـل أطـق الجـال
على مركـب غـرامٍ مـن سمانـا زار أراضينـ

[المنفرد]

سلام الله سلام مايحـول مـن سمـاه نجـوم
رفيـع مستـواه وهيبتـه مـن دون واجبهـا
يشرفني وانا فـي واجبـه ومسانـده ملـزوم
لـزوم واجبـه والواجبـه مانـي مجنبـهـا
سلام ماتضيقبـه الصـدور ولاش فيـه ثلـوم
تلبله العقـول اللـي علـى الملـه يخاطبهـا
هبوبه عامره بالـورد والريحـان واليشمـوم
ونوره كوكب ذري غطـا الصمـان واطربهـا
علي روس الشيوخ مجيرة الخايف حجا المظيوم
صناديـد الرجـال وفعلهـا يثبـت مناصبهـا
حمول الخيل فرسان الملاقا مشبعيـن الحـوم
مرويـن الرهـاف اللـي مذهبـة مقاضبهـا
منزحة العدا عوق الخصيم وسيفهـم ملحـوم
تعـي بنصرهـا لـو كـان طايفـة تحاربهـا
ليا ثار العسام وجاء بريـد المـوت فالحلقـوم
عوايدهم يعزلـون الجماجـم عـن مناكبهـا
علي محوالهم مثلالصواعق في نحـور القـوم
وتكسـر بـارق القومـان وتشتـت شعايبهـا
وسادوا في الجزيرة قبل حكم الشايب المرحـوم
ويرعون الخطر والخوف في نجـد ومضاربهـا
بهم حم الذرى ترعى نبات الـوادي الماسـوم
علي مشهاتهـا شـرق الديـر والا مغاربهـا
ولايخطم عليهـا لان تاخـذ قيسهـا المعلـوم
علي مشهات خطرهـا ونبـت ارض يناسبهـا
تحت سيف الدويش اكبر زعيم القايد الزيـزوم
يقطع روس افاعي نجـد ويخفـس عقاربهـا
يجر البارق اللي ما حظـاه الا قـوي عـزوم
عبر شبه الجزيـرة والعـراق افنـا مصايبهـا
وسادة هيبة الدوشان مافالعلـم حـب خشـوم
كواكب مستقلـه فـي سماهـا مـن يواكبهـا
الا يانجد من ماضيك في صحراك نقش رسـوم
ابـا اقبـل رسـوم فيـك تجذبنـي مجاذبهـا
واعيشك يازمان العام ذكرى في زمان اليـوم
ابذكر مفخرة ماضيك واحضنها واعيـش ابهـا
ابسري تحت شعت نورها ليل الدجى المعتـوم
تنور لي طريقي فـي مسـاري واستـدل بهـا
وتعـرف يمـه البحـر يالسـاري المنـجـوم
وتنزل بالغروب اللـي تناضـح مـع جوانبهـا
وتبرى عينك الرمدى ويبرى قلبـك المسقـوم
وترفـى الرجـل وتـدراي عليهـا ماتنشبهـا
تميز فالامور ان كان في بالك وهـم وهمـوم
ترى ضيم اللحـى واذلالهـا دقمـة شواربهـا
ركـون امجادنـا ماتندثـر وكتابنـا مفهـوم
على طول الزمـان وشمسنـا محـد يغيبهـا
ظهر فالعلـم فراعـه وفزاعـه ونفـذ كمـوم
فزوع ماعرفنـا وش ظرفهـا مـن تعصبهـا
تزاحم بالمحـازم والليالـي جوهـا مزحـزم
ليالينـا حمـول جمالهـا تكسـر غواربـهـا
والاياليتها تصحى وتكشـف سرهـا المكتـوم
وتصمـت مـا تعاتبنـا وحـنـا مانعاتبـهـا
وياخذ غاية الحق النصيف السايـل المحـروم
زمن لايعرف المـره علـي الفاقـه يجربهـا
تحت كبد السماء برق ورعد في مدلهم غيـوم
تمـر الديـره المضمـاه ماهلـت سحايبـهـا
هذا علم وخبر والسر سلكه فالخفـى مبـروم
تعبـره الثقـاه وتعـبـر الغـبـه مراكبـهـا
بعد ماجابنا صوت المنادي في رحـب واسلـوم
سلـوم الرجـال معروفـه مذاهبنـا مذاهبهـا
كلام الشاعر اللي بالفصاحه والحكـم ملهـوم
بحر غالي درر وامواج تغـرق مـن يميلبهـا
وانا مثل البشر مااعلم غيوب ولا اخلق المعدوم
لكـن عقـول خلـق الله تميزهـا مواهبـهـا
----------------------------------------

[المنفرد]

؛.. أنا يـوم شفـت البيت ..؛


أنا ما هقيت يسوى الوقت ما سواه ** وخان الزمان وعادة الوقت خوانى

ويا حي من هذي دياره وذا مرباه ** ذوارى هبوب النود من فوقها بانى

أنا يوم شفت البيت متهدم مبناه ** تذكرت زول كان في البيت سكانى

أنادى عليه وساقي العين جارى ماه ** وأنا عارف إنى لو تحريت ما جانى

ظلمنى الزمان الى جبرنى على فرقاه ** صواديف بقعا شرها ما تعدانى

صدوف الزمان وطول صبر لحقت أقصاه ** حدتنى على مبدا الطويله مسيانى

أنا قد بغيت اوقف الرجل عن مبداه ** ولكن شفت الموت مازيد خلانى

الى جيت عد ٍقد نزل ماه ولا جاه ** تسابق دموعي واظهرت خافي احزانى

أنا كيف أبدله واطمع في خاطرى أنساه ** وأنا كل ما مريت مدهاله ابكانى

الا جات به الاخبار والا احدٍ اطراه ** ما عاد اتسمع صوت من زيد حاكانى

أعيش بخياله واتنادم مع ذكراه ** ويدوى بي الهوجاس في عالم ثانى

يغيم سماى الا تواجهت انا وياه ** وحتى الحكي ماعاد ينطق به لساااانى

قضى العمر كله عادنى في رجا لاماه ** وطال الرجا والياس قام يتحدانى

هو الى تتوق النفس لمشاهده وحكاه **ولا جا بقلبى عنه سجة ونسيانى

[المنفرد]

:.. تغلاق الأشفاقي ..:



إلا اقفي النهار وقبـل الليـل مـا دانيـه
معي ضيق صدر من تغـلاق الأشفاقـي

سقى الله ضحى ذا اليوم والعصر لا تسقيه
نهـار اجتمـاع حـل فيـه التفـراقـي

نهارسعيـد أولــه واقـشـر تالـيـه
توادعت أنا واللي لـه القلـب مشتاقـي

ويا قو عزمي يـوم قفـا وأنـا راعيـه
اجامل وأنـا لدمـوع عينـي تسيباقـي

نظرني بعين تخلف اللـي تطالـع فيـه
كما عين حر لابـرق الريـش لحاقـي

أنا خاطـري فـي خوتـه ودي أخاويـه
وروحي معه تنسـاق مـن دون سواقـي

ويا عاذلي لا تمحـن القلـب وتقاصيـه
تحاكيـه وجروحـه مراميـس وعتاقـي

لو انه يخلـي الحـب مـن وده يخليـه
تشوف المودة مـا بهـا واحـد شاقـي

إلا جيت بخفي لوعة الحزن مـا تخفيـه
عيون عبايرهـا علـى خـدي أطلاقـي

جبرني زمانـي وانتـزح واحـد اغليـه
وقلبي على شـوف المحبيـن محراقـي

أحبه وأحب اللي يجيبـون لـي طاريـه
ولـه مخلـص مانيـب للعهـد بواقـي

خذ الروح كله ما بقى لـه شريـك فيـه
وجعله فـدا لـه ماخـذه منـه والباقـي

عذابي من اللي يجرح القلـب ويداويـه
وهو راس مالي في البراري والاسواقـي

غدا كل همي في خيالـه وفـي طاريـه
وخليـت دورات المعيشـة والارزاقـي

تعايد على مواجهـه ويـن زيـد أجيـه
وقف منه وصلي وقفة الماء من الساقـي

[المنفرد]

& هراج القفا &


ونتي ونة تجض من الحفا && عرضوها الحزم ركابها غب الصلف

لا تطاوع يا أشقر الراس هراج القفا && كاذبٍ في كل ما قال لك وإلاحلف

قصد هراج النمايم يكدر ماصفا && لاتخلي كل عدو ٍ يحقق له هدف

كن في كبدي حريقٍ لهيبه ماطفا && مثل ضوٍ ساقها النود باطراف السعف

يالطيف الروح واجهت منك ماكفا && إعتق النفس الضعيفه على ماقد سلف

دمعه العين الحزينه تبين ماخفا && كيف بجحد لوعه الحزن والسد انكشف

ياوليفي وين عهد المحبه والوفا && لا تجافي من تبين بحبك واعترف

[المنفرد]

أقوى قصيدة حب وفراق قوية جداً جداً جداً
السلام عليكم

اخواني شعار هذا الصرح الشامخ

اقدم لكم هذه القصيده التي اطلق عليها كبار الشعراء

اقوى قصيدة حب وفراق

عل وعسى ان تنال من ذائقتكم الشي البسيط



صلو على النبي

بسم الله نبدأ





الله يوفق مثلك الله يخليه.
........................كانك نويت الصد والهجر وياه

غالي ولك بالقلب شي ومخفيه
.......................اكبر من اللي بالضماير تهقواه

في غيبتك قلبي ترى الهم صاليه
......................واسهرت ليلي بين ونه وويلاه

البارحه طيفك مع الليل احاكيه
......................يشهد علي الليل والنجم يصغاه

فكرت ويا الليل مبدع قوافيه.
.................. ...مسحوب طرقي والقوافي تقفاه

والحزن فوق القلب والهم مقفيه
...................و ليلي غدا ليلين والصبر مقواه

اكتب شطروالشطر الاخر نجاريه
........................شاعر تحد ه والليالي توطاه

اجزل بيوت الشعر وحكم معانيه
......................ولا هزيل القاف واضح ثناياه

ياللي حرقت القلب منهو يطفيه
.....................النار نار ٍ تتعب القلب واحشاه

يا مانسيت اللي من الناس نغليه
........................ولاعاد به شي ليا حل طرياه

استر عيوب الناس والطيب ابديه.
...................وش خانت اللي ماسترعيب رفقاه

امسٍ وقبل البارح القلب اهنيه.
......................امسي مع الفرحه وصبّح بفرحاه

في شوفتك افرح مع اللحن اغنيه
.........................وطيفك يسلي كل طرقٍ بمغناه

قلبي كثير اللي من الناس ترجيه
......................وانا الذي قلبك من الناس يرجاه

لاتحسب ان الصد صعبٍ تحديه
.......................ترى الزمن يشكي ومثلي تحداه

انشد وتلقى الليل تقصر مساريه
.................صدر الزمن يشكي من اقصاه ودناه

راحت هجوسك مبعده في هقاويه
.....................انشد جبال اطويق واللي ترقاه

تلقى زمانك قاصرات ٍ لياليه
.....................هذا الصحيح وتدمع العين فرقاه

وانت الذي لاضاق صدره نراضيه
...................نتعب على شانه على شان نرضاه

ولا انت تدري من زعل عيب اصافيه
.....................يادارس اطبوع المشاعر وتدراه

يا ما لقيتك تشكي الهم تشكيه
..................وجهك عبوسٍ تشكي الحظ برداه

ياللي خذيت القلب وشعادكم فيه
....................رده ترى قلب العنا وافي اشقاه

ارفق بقلب هالليالي تفاجيه
.........................يابو ثمانٍ مرهفاتٍ مصفاه

انا عشقت وعشقي محدٍ يظاهيه
................جيتك على الفطره وذ القلب يغشاه

احساس من قمة شعورٍ وطريه
...................عليك ياللي ناسي القلب تنساه

في كفي سيفٍ للعواذيل مرهيه
................وفي صدري درعٍ لسهوم المصلاه

ياقلبي الليله على وادي التيه
...................جريت ونه والف ونه من الأه

اسمع صدى صوت المعنا بتاليه
....................اضحك واقول الله يعين الذي تاه

والحق انا اللي تايهٍ في دواهيه
.......................مجراك نار تكوي القلب تكواه

باغيه قلبي والمشاعر تناديه
........................قلبي عشق قلبه مع الليل ناداه

يفداك منهو يجمع اريال وجنيه
.........................يفداه وجه الطيب والعز يفداه

مثل البواخر لا رست في مراسيه
...................حبك رسا صبح ومسا ابكل مرساه

بين الظلوع الحدب حبه ابنيه
....................واكتب عليه من الغلا شي يزهاه

لكنّ كيف القلب هذا امتناسيه
...................ياصرح مدري جرح ياجرح ودواه

يمكن صواديف الليالي تحاديه.
...........................ولاّ تغلا والغلا في مزاياه

لكنّ قلبي ماصبر ليل مشقيه.
.......................دنت هجوسي والبلا في محاتاه

همٍ على قلبي وهمٍ يباريه
...................... .ولا جروح القلب صعبه تبراه

البارحه قلبي من اللي يداويه
.......................ياكود وجهٍ يبري الجرح ملفاه

حامت شياطين الشعرمن بلاويه
...................وسرحت في عالم صعيبٍ بمسراه

هلّت دموع العين هلّت غواديه.
.....................على الذي قلبي من الناس بداه

اكتب حسين القاف وارجع ومحيه
.......................جف القلم حبره ولا نافعٍ ماه

شطرٍ نهليبه وشطرٍ نحييه
..................وشطرٍ على ماقيل ملعون مثواه

هذا حبيب ولا عليّه مشاريه
...................عشره قديمه والحكي توّ معناه

ترى الوفا والطيب حق ٍموّفيه
......................ترى الغلا والحب حق موّفاه

من باعني بعته وتقصر خطاويه
................مدعي عليه ادعي عسى الله يرعاه

لا ياندي العرض هذي تواصيه
.................ابوي انا اللي وافي الهرج بوصاه

وانا الذي من يشري القلب شاريه
.......................هذا محله قلبي واسعد بلقياه

اقلّطه في صدر قلبي وهلّيه
..................ارحب هلا واهلاٍ وننحر له الشاه

ونقدّم الفنجال والهيل حاليه
...................اشقر مقره من ورى الهند مجناه

يعني انتهى المشوار لاباس ياهيه
.................خمسين بيتٍ شاعر الجن سواه

وخمسين بيتٍ تقفي اللي مسويه
..............مسرج خيول الجن واهجيك بحكاه

من قدّم الطيبه نرفّع معاليه.
..................ومن قدّم السيّه مع الدرب دسناه

ادعيك من قلبي وانا الغير مدعيه
.................مشتاق انا والشوق وشلون ابنهاه

في داخلي حربٍ من الشوق مذيه
..................والصبر طعمه مر وكيف اتحلواه

من لايعرف الحر لاشك يشويه
.............اخطيت في حقي وانا ارجيك رجواه

انا الذي منهو رقا فوق اوطيه
........................عليك ياللي كل رجمٍ تعلاه

لا تحسب اني بسهر الليل مقضيه
...................جاتك مثايل وفهم القول وقراه

قبل امس احبه وفتخر في تلاقيه
.................واليوم هذا مثلي صرّح كرهناه

الخط الاحمر ليه نفسك تعديه
.....................قد قلت الك ومحذّرك لا تعداه

رادي ومثلي لاحشى ما ترديه.
..................درب الردى لارحم منهو تمشاه

كان الغدر ميزه وتفخر بتاليه
......................الله يعينك تالي الوقت عزاه

تصبح مابين الناس محدٍ يدانيه
.................قبلك صفق يمناه في كف يسراه

الرادي اللي يمشي محدٍ يراعيه
...................هذي حياتك باخر الوقت وتلاه

ياللي تقول الحب وافي ومرخيه.
.................حبل الوفا تقصره وشلون ترخاه

الحر لامن فز يكفخ جناحيه
..................انا عزيز النفس واللي ورثناه

المرجله والطيب لازم نقديه
....................ماني شحيحٍ تايه ارداه برداه

واليوم ياوجهٍ بدا فيه وشفيه
.....................الاّ عرفت القلب هذا ومرضاه

لا يالذي قلبك من الغدر تحشيه
....................هذا وانا مهجيه وذكر حلاياه

.لكن علي الله ماعاد انا ارجيه
....................في رجعته همٍ ولا عاد نبغاه

فيه البقا واللي حلاته نعزيه
......................اقولها من بعد هذا عرفناه

يرثيه وقت الحب والحال ترثيه
....................كم واحدٍ قبلك ترانا رثيناه

هذاك غالي والله اللي متوفيه
..............ولاانت لا مثله ولا وجيت شرواه

يشهد له التاريخ حضر وبواديه
.............يرحمك ياللي وافي الطيب والجاه

ونتي بديتي بالغدر من مواريه.
...............عمر الغدر شاين ولو زان مرباه

درب العنا ياللي نويتي مساعيه.
...................خايب وظنك ضايع ابكل مسعاه

فيك الغدروافي على كل اراضيه
.................ثوب الغدر ما والله يومٍ لبسناه

بأسم من انزل محمد وحاميه
....................الواحد القهار ربٍ عبدناه

ماني على صدك ترى القلب اعنيه.
................وشعاد يعني لو مثلك هجرناه

القلب يسلا مع هل الطيب اسليه
..............عندك خبر كلٍ على كيف مشهاه

اقفت ليال الحب واقفت لياليه
..............والشوق روّح لاترجى وتنصاه

اطغيت حتى القلب بالغدر معميه
..............الصبح لك قلبٍ مع الحب يهواه

والليل لك قلبٍ من الغدر ماليه
.............كنت الامل والنفس مثلك تحراه

ماني صغير السن مثلك يخطيه
..............اخطيت ياللي كل شيٍ تخطاه

اللي رقا للخير ربي يجازيه
..............جعله بخير وراعي الطيب حياه

واللي يحب الشر منهو يخاويه
...............ياكود مثل الطبع لاشك خاواه

العقل راس المال وشلون اقديه
.............في ذكر ربٍ عالي الناس تخشاه

جفت عروق القلب جفت خباريه
...............لاتحسب ان الحر مثلي تشواه

حرٍ وفي وصفه طوالٍ مواميه
...............انا عريب الجد ياضايع اجداه

اخطيت في قلبي على الكيف مهديه
.............انا اشهد اني ظالم القلب وسقاه

اسقاه من ظيم الليالي ومسقيه
..................همٍ وكل همٍ موفّي زواياه

الصدر لا من ضاق بالقاف اواسيه.
..............شاعر وومّر كل شطرٍ كتبناه

اكتب حروف الشعر من كيفي ووفيه
..............والشعر وهبه والعفو ماشريناه

وغيري كثير الناس لشعر تنخيه
............الناس واجد ياهل العرف تنخاه

لامن كتب بيتٍ تعزوا بعزاويه
...............مسكين ياللي كل شطرٍ تبناه

وانا احمد الله كل شطرٍ موازيه
...............لاطاح شطرٍ قام خيّه توازاه

العقل وافي واحمدلله مكسيه
............بالطيب والمعروف حنا كسيناه

حاضر بحاضر ياهل الحسد اسويه
..........والموت حقٍ يحصد العمر يفناه

متين شطرٍ وافي العرف محصيه
.........ساعه وثلث الطرق حنا بدعناه

وختم قصيدي عد ماهب ذاريه
.........على النبي اللي طريقه مشيناه