للفقر طهر ٍ..في عيون المناعير
محروم منه من ركض للتجاره
أقلها خوّه على الشر والخيــر
رفقة رجال ماجمعتهم عماره
جوع الأسود ولاغناة العصافيـــــر
أن عوّدت مابين خبث وطــهاره
حنّا أو أن الوقت محتاج تغييــــــر
سؤال يحرق كل طيّـــب بنـــــاره
ضميا السباع اللي تحاوم على ألبير
ماوصلت أدليــّه وطال انتظاره
تنتف مجاهيم الوبر من مغاتيــــــر
و يضيمني شوف الأسد وأنكساره
حزن النهار وكسرته تالي أعصير
زفرات عود ٍحل وقت أحـتضاره
والله يلولا أقريش ماله نواطيــر
والأرض مافيها أجحار وخباره
أدمي ظنون اللآش في سطوة الزير
أشهر وغيري مايجمّــل مطـــــاره
ماينتهض بالفكر لمعانق الطيــــــر
ولا ياصل العليا ويدرك قــــراره
ولا كل طير ينقلونـــه صقاقيــــر
في هدتـــه يدمي بكفه فقــــــاره
طير يصخر أبرق الريش تصخير
وطيرٍ ليـــــــامن هد ماصاد فارة
حتى أنشدوا ضيدان تلقون تفسير
ذيب ٍ لأبن قضعان عنده إخباره
راعي دلال ٍ ولامات ومباهيــــر
قرم ٍ جبره العوز يهجر أوجاره
شيخٍ وربعــه ينطحون الطوابير
صبيان يام اللي بروسه نمـــاره
يوم ٍ ثقل شيلــه وأقفت مدابيــر
كب الدلال وعاف بشت الأمــاره
حر ٍ جزع والحر لامن جزع غير
وضعه يخصّب فكرتــه لانتحاره
لا وآهني العبد ومن ينفخ الكــــير
نفهق وتلقى مجلسـه في الصداره
قل ((با)) وتلقى لك معزه وتقدير
محجوز لك منصب وكـيل الوزاره
من أنت؟ولد أطلق شنب خير ياطير
أحجز معه موعد من أجل الزياره
سلّم على منوّر وسلّم على أمنير
مثّل علــــــــيهم بالسلام بحراره
فقر على عز ومعزه وتقديــــــــر
أحسن من كنـوز الذهب والتجاره
23-08-2007, 08:54 PM
العرض العادي
