الصداره
لاعاد .. تنشد من أعلومي يامسعـود
...................................مابه جديـد وجعـل نفسـي إمجـاره
طال الطويل وكـل شـيٍ لـه حـدود
....................................واللـي نـبـي يابـعـد داري وداره
لامال فـيّ أعصيـر وأنقـادت النـود
..................................وقبل المغيـب إيفـل باقـي أستـاره
سجيت رجلي شرق شارع( اجوررود )
..................................للفيضه اللـيّ فـي طرفهـا **ـاره
ما عسّها اللي مشغلـه مرتـع الـذود
................................ولا أقنصوهـا مهتويـن الصـقـاره
لي في طوارفها معا الهاجس أوعـود
................................أمّـا يمـيـن الـخـد والاّ يـسـاره
يازينهـا مع انّـهـا دبـلـة أكـبـود
..............................لوّ كان مرتعهـا يشعشـع خضـاره
مادامها فيضة جنوبـي ( أكسفـورد )
................................أكتـب عليهـا بانجليـزي خـسـاره
يعني ترى ماهي بعيني ( فيري قود )
..............................الاّ فري صـدري ولـوّ كنـت كـاره
وياوجد حالي لا أقبـل الليـل بركـود
..............................وأخـر نـهـاره ودّع أول نـهـاره
فـي حـزةٍ شيطانهـا مالـه أقيـود
...........................يبخـص حراويهـا سقيـم المـراره
يلاأرحـم الله أبـو طواريّـه السـود
.............................ماخلّـت المشفـي يـرّد أعتـبـاره
لولا العزوم اللي علـى زودهـا أزود
.............................يمـدي تعشتنـي ذيـاب المـغـاره
وين أنت يامطلق ذرى كـلّ مضهـود
.........................طلق الحجاج اللـيّ يشـرّف وقـاره
أحـبّ مطلـق كثـر حبـيّ لحمـوّد
...............................وأقـدره قـدر المـهـادي لـجـاره
جتني مراسيله على الهاتـف أوفـود
..........................وأرسالتـه ماهـي بمـزح وعيـاره
ياليتها جـزءً مـن النـص مفقـود
.............................أو لـم يتـمّ أرسـال زر الأشــاره
سجيـت معهـا سجـةٍ مابهـا فـود
.........................وأونست في صدري لهيـب الحـراره
وأقول يامطلـق لـوّ الفايـت أيعـود
.........................سقنا على شـف النفـوس البشـاره
لكنّـه أمـرٍ صـار ماعنـه مـردود
.........................والليّ حصل مقسـوم والعلـم شـاره
والحمد لليّ خصنـا الحلـم والجـود
..........................والديـن والعقـل السديـد بـقـراره
من الله خلقنا وأسهم الطيب فـي زود
............................الصيـت عالـي والمقـرّ الـصـداره
مانقبـل الهيّـن ولا للعـرب قــود
........................وفينا على الشـدّات عـزم وسطـاره
من جود ربي ننفـق الجـود ونجـود
...........................ويفرح بنا مـن كـان حنّـا جـواره
مانطرد المقفـي ومـن راح بصـدود
...........................جعله مـراح اللـيّ مـودّع أديـاره
فضلٍ من الله ثم فضـلٍ مـن العـود
.........................عودٍ عسى الجنّـه مقـرّد وجـاره !
خير العباد وخاتـم الرسـل محمـود
...........................والأنبـيـاء والتابعـيـن لمـسـاره
وحنّا على الجرّه لنا شـف مقصـود
.........................ودون المراجل يشعـم الرجـل نـاره
عشقٍ لنـا متوارثينـه مـن جـدود
...............................ونعدّهـا خزنـة رصيـد التـجـاره
تنفـق يمانينـا لـوّ الدخـل محـدود
.........................ونتعب علـى العليـا بعـزم وجـداره
قولٍ على فعلٍ وتشهـد لـه أشهـود
.............................ماهـو بقـولٍ مـايـذريّ أجــداره
والطيب عـدّ وكـلّ عـدٍ لـه أورود
.........................وتلقى لأهله أورود فـي كـلّ حـاره
طرّاه مطلق وأصدق الشعـر منشـود
.............................ولأرسـال جوّالـه بعيـد العـبـاره
ياليتها جـزءٍ مـن النـص مفقـود
................................أو لـم يتـم أرسـال زرّ الأشــاره
الشاعر فالح ابن قشعم,,
08-08-2007, 08:08 PM
العرض العادي
