اقـــــرب شــــــــاعـــــــر ؟؟؟

[(هاوي قصيد)]

عزام ,,,
مرحبا بك ومسهلا , لا خلا ولا عدم فديتك وانت نوماس الصف لوك لحالك لاهنت

[محمد بن عرار]

مرحبا بالجميع..
حوران,, معجب,,مشعل,,عزام
حياكم الله ومتابعكم شرف, واشكركم على الاطراء الجميل

الا يا الهاجري لا تحسبنك فاللقاء سفاح=كثير الناس يقدم غار ماله عندنا قيمه.
تقول انك لبست وشاح وانته ما عليك وشاح=ترى مركبك ياربان محتاج(ن) لترميمه.

[(هاوي قصيد)]

تقارش ياصغير فالعلوم وتو طيبك فاح = مدام الهاجري ماهوب في عازت غلا ريمه؟

وليد البط في شط البحر من حوله السياح = وانا خضت المحيط الاطلسي واسوء اقاليمه

[محمد بن عرار]

يفوح الطيب من نبعه تركد وانتبه يا صاح= وريمه دونها ربع(ن) دفعهم دافع الشيمه.
فريخ البرق دامه وسط عشه رابض(ن) ماراح=سلم وان كان عدى للفضاء يلقى صواريمه.

[مناحي الصميل]

مبدعين كلكم

واصلواااا

وانا بصفكم كلكم

[موسع الحدان]

ابداع لا محدود
صح الله اسنتكم
وسجلني في صفك يا مفراص الحديد.

[محمد بن عرار]

مناحي الصميل,, موسع الحدان
مرحبا بكم والله لا يهينكم على المرور

[(هاوي قصيد)]

مناحي الصميل , موسع الحدان ,,,
مرحبابكم والله لا يهينكم على المرور

تهذري وانت اظنك عاجزٍ عن كثرة الافصاح = هناك البرق يبرق والحيا فاول مقاديمه؟

بمن الحر حر وذاك وجه البوم فيه اشفاح = فلا تفرش سرى باش السبيت وما معك ميمه؟

[محمد بن عرار]

خلووووووها

انا ما ودي آزيد الجروح الماضيات جراح=ويرجع وقتك المجروح يعزف لك تقاسيمه.
وخذها في شحم ياللي تقاقي وانت ماش ارباح=انا وسط القصر ياللي بنيتوا فالخلا خيمه.

[(هاوي قصيد)]

تبي تذكر عن الماضي وحنا لك سموم اذحاح = ولا هي بكايده لوك جحدة السين مع جيمه؟

خطمنا خشمك اللي زايمه يالسارق الشلاح = وانا بنشدك عن قصرٍ بنيته كيف تصميمه؟