ابعث اليكم بجديدي وكلي امل ان تحوز عل رضاكم واستحسانكم
سيطرت على سما العقل واسعة الخيال=وصرت كلي في سماها خيال تطلقه
سحرها بين الانامل مع العذب الزلال=دسته بعروق قلب(ن)بخفه تسرقه
ذاب فيها..ذاب في الشمس في حل الزوال=ومن يقرب من سناها ثواني تحرقه
كان عيدي يوم نادت لفكري..للنزال=وامتطى فكرى عسيف(ن)وطارت.. تسبقه
ماحسبت حساب فكر(ن) يروض للجمال=قادني يوم الضحيه لحبل المشنقه
فكرها في الارض شي(ن)يزلزل للجبال=وفي السما براق يخطف خيالي.. يصعقه
ارفعتني للسواري تعليت الهلال=وللبحر في ظرف لحظات حولت اعمقه
وين ودتني معاها ؟ فكرها مايطال=في المسا..تحضر صباحي وصوت الشقشقه
والضحى تجعله وادي بريقه في السلال=يعكس نجوم الليالي..وموتي اشهقه
وصف واديها..؟عساها تقرب لي مثال=في سكونه يذبح الصمت ..صفير ونقنقه
في فكرها كوكب الشرق وانصاف الليال=لامست وجدان روحي زمان الطقطقه
وعيشتني لحن فيروز في صبح الوصال=في نسايمه العليله وشفت الرقرقه
وردتني للمنيه وانا(يامي) من آل=انشدوا المضيوم عنا وصدات طرقه
يوم ضاقت به وعن (يام) قد شد الحال=تحت جنح الليل ساري وموته يلحقه
وصله المندوب منا وحن قلة رجال=مرخصين ارواحنا والله اللي اعتقه
مانويت بتالي العمر في عشق(ن)هبال=اتنشد عن وطنها ولا اعرف مفرقه
خابر(ن)وضعي ولكن ترى عشقي المحال=كل شي(ن)في حياتي محال اعشقه
يا عسى تبقى محال(ن)تداعب للخيال=وتسعفه بفكارها..في فضاها تطلقه
13-06-2007, 03:03 PM
العرض العادي
