هل من الصح تفتيش جوالات الابناء

[مجازف]

بسم الله الرحمن الرحيم

السلامـ عليكمـ ورحمة الله وبركاتهــ

اليوم موضوعي نقاش × نقاش = تصفيق

وهو : هل من الصح او بالاحرى من العدل تفتيش جولات ((تلفونات)) الابناء

ابي تصوتون المووضوع وتقولون رايكم

وابي تفاعل في الموضوع

ملاحظه الموضوع منقول لنستفيد من ارائكم

[محمد المحلكم]

لاهنت على الموضوع

وانا اقول مافيها شي بس بطريقه زينه يعني تفتش فيه وتفهم بالحاجات الغلط وتحاول تنصحه لنه اذا بغاء يسوي شي سوى وانت ماتدري

[نـسـل الأشـراف]

اول حاجه اشكرك اخوي علي موضوع النقاش

اول حاجه معندي بزران ولا اخوان صغار

بس حبيت اشاركم راي

انا الصراحه مع وضد الشغله هذي

يعني مثلن ودك بين فتره فتره تشبح في التلفون

يعني الواحد ميدري عن الدنيا ذا الايام البلاوي كاثره الله لايبلانا

ضد الشي ذاا لان حلو الواحد يثق في عياله واهله يخليهم قد الثقه

هذاا راي وادري اني عقدتك اسمحلي هو موضوع نقاش حبيت اشاركك فيه

اختك النايفه

[سايق العيس]

انا اراء من الضروري التفتيش المفاجئ لتلفونات الابناء

لأني شفت تلفونات زملائي اعرف البلاوي الي فيهم


حسبنا الله ونعم الوكيل

[رنة الخلخال]

اشكرك اخووي على موضوعك

آولا :كل شــــــــيء بالجـوال يـرجع على التـــــربيه!!
وثانيا:موووتفتيش لا لان مافي احد يرضـى يفتش اغراضـه مهما كان!!
بس ممكن نجيب هذا التفتيش بطريقه ثــــاانيـه,,

والله يعطيك العافيه على الموضوع
سلامي لك

[مجازف]

الاخ محمد المحلكم

شكراً لك عزيزي على هذا الرد الاكثر من رائع

الاخت النايفه

على العين والراس اختي الكريمه وصحيح انك عقدتيني مره مع ومره ضد

الاخ سايق العيس

كلامك منطقي وجميل اخي الكريم

الاخت رنة الخلخال

كلامك منطقي وجميل اختي الكريمه
***************************

[مجازف]

انا بعطيكم رآيي وبتكلم عن الجهاز وعن نوع الشريحه وبالعاميه واسمحوا لي

بصراحة عندنا الأيام هذي جيل !!! ما تدري و شلون تتعامل معاه


إن عطيته خفت عليه و إن منعته تخاف عليه أكثر


لكن مسألة الأب صارم وعيونه حمرا و أن الولد يرضى بالغصب الأيام هذي ما تنفع


اللي ينفع الله يطول عمار الاباء ويخليهم لآبنائهم أنك تخاويه و تخليه يحس أنك قريب منه في كل الأوقات


المراهق في الأيام هذي يحتاج إلى شخص يستمع له ويمده بالعطف و الحنان


فهل يوجد أفضل من الأب أو الأخ الأكبر لتوفير ذلك ؟؟ أم نجعلهم فريسة سهله لذئاب الشوراع الجائعة


وبالنسبة للشريحه اللي بتاخذها للولد


لا تأخذ له رقم أو شريحة سوى " نهائياً "


خذ له فاتورة و حد إئتماني 300 ريال وحول فواتيره على صندوق بريدك

هذي بتصيد فيها عصفورين بحجر واحد :


العصفور الأول : إطلاعك على فواتير مكالماته و معرفة أهم المكالمات و معرفة أصحابها.


العصفور الثاني : بطاقة إعادة الشحن من الوسائل التي يستخدها ذئاب الشوارع في إصطياد


المراهقين على سبيل التقرب و الهدايا " أشحن لك يا سنايدي و القير عايدي "


في البداية حاول إستغلال فرصة لمكافأة اللإبن بالجوال كهدية ، مثلاً تفوق دراسي .


وفر له أحدث جوال حتى لا يحس بالنقص بين أقرانه " هذي مهمة جداً " فيها عصفورين بحجر واحد "

العصفور الأول : إحساسه بالفخر فيك لأنك وفرت له شيء ثمين يفاخر فيه بين أقرانه. " أبوي أهداه لي "


العصفور الثاني : تمنع من يحاول إستغلال عقدة النقص لديه من قبل ذئاب الشوارع .


تتعامل معه من البداية بدون رسميات


يعني تخلي الوضع بينك و بينه " فري" مثلاً تبدأ ترسل له مقاطع مضحكة و صور ساخرة و مقاطع

صوت توعوية


و تخليه يوريك اللي عنده و حاول في البداية أنك ما تطلب منه الجوال لا خله هو يرسل على كيفه


وحاول أنك ترسل له مقاطع فيها عضة و عبرة مثل مقاطع حوادث تفحيط حتى يعي خطورة هذا الأمر


و بعد فترة تطلب منه بشكل مفاجيء تقول له " هاه وش عندك جديد خلني أشوف " و خذ الجوال منه


و إسأله كذا على سبيل المزح " عسى ما فيه شيء كذا و إلا كذا " مع ضحكة وغمزة عين


و دور بس إذا لقيت شيء " لا تعصب أو تضربه أنتبه " سوي نفسك ما شفت شيء


بكل بساطة إحذفها من جواله و خلاص يا دار ما دخلك شر


و إذا لقيت شيء مرة ثانية حاول إنك تعاتبه بأسلوب لبق بكلمات مثل :


أفا يا أبو حميد " إذا كان إسمه محمد

أو

أفا يا أبو عابد " إذا كان أسمه عبدالله


" أنت كذا زعلتني ما توقعتك تنزل نفسك للمستوى هذا ، كنت أتوقع أنك أرقى من كذا "


صدقني من المرة الإولى اللي ما كلمته فيها راح يحس بخجل و ما راح يقدر يرفع راسه في عينك من الحياء


و راح يحس بالغلط اللي سواه


و يحاول أنه يرضيك حتى ما يخسرك و يخسر مخاواتك له


لأن المراهق في هذه الأيام يحس بأن المجتمع كله ضده و بخاصة والده و من هم في سن والده


و الأشياء هذه أنتشرت إنتشار النار في الهشيم و أصبحت شيء عادي عند الكثير من الكبار فما بالك بالصغار


و اللي أطلبه منكم بأختصار أن كل واحد " يحط نفسه في مكان وفي عمر ولده الحالي " و تسأل نفسك كيف تريد من والدك أن يتعامل معك ؟

[مجازف]

المشاركة الأصلية كتبت بواسطة مجازف الهاجري

انا بعطيكم رآيي وبتكلم عن الجهاز وعن نوع الشريحه وبالعاميه واسمحوا لي

بصراحة عندنا الأيام هذي جيل !!! ما تدري و شلون تتعامل معاه


إن عطيته خفت عليه و إن منعته تخاف عليه أكثر


لكن مسألة الأب صارم وعيونه حمرا و أن الولد يرضى بالغصب الأيام هذي ما تنفع


اللي ينفع الله يطول عمار الاباء ويخليهم لآبنائهم أنك تخاويه و تخليه يحس أنك قريب منه في كل الأوقات


المراهق في الأيام هذي يحتاج إلى شخص يستمع له ويمده بالعطف و الحنان


فهل يوجد أفضل من الأب أو الأخ الأكبر لتوفير ذلك ؟؟ أم نجعلهم فريسة سهله لذئاب الشوراع الجائعة


وبالنسبة للشريحه اللي بتاخذها للولد


لا تأخذ له رقم أو شريحة سوى " نهائياً "


خذ له فاتورة و حد إئتماني 300 ريال وحول فواتيره على صندوق بريدك

هذي بتصيد فيها عصفورين بحجر واحد :


العصفور الأول : إطلاعك على فواتير مكالماته و معرفة أهم المكالمات و معرفة أصحابها.


العصفور الثاني : بطاقة إعادة الشحن من الوسائل التي يستخدها ذئاب الشوارع في إصطياد


المراهقين على سبيل التقرب و الهدايا " أشحن لك يا سنايدي و القير عايدي "


في البداية حاول إستغلال فرصة لمكافأة اللإبن بالجوال كهدية ، مثلاً تفوق دراسي .


وفر له أحدث جوال حتى لا يحس بالنقص بين أقرانه " هذي مهمة جداً " فيها عصفورين بحجر واحد "

العصفور الأول : إحساسه بالفخر فيك لأنك وفرت له شيء ثمين يفاخر فيه بين أقرانه. " أبوي أهداه لي "


العصفور الثاني : تمنع من يحاول إستغلال عقدة النقص لديه من قبل ذئاب الشوارع .


تتعامل معه من البداية بدون رسميات


يعني تخلي الوضع بينك و بينه " فري" مثلاً تبدأ ترسل له مقاطع مضحكة و صور ساخرة و مقاطع

صوت توعوية


و تخليه يوريك اللي عنده و حاول في البداية أنك ما تطلب منه الجوال لا خله هو يرسل على كيفه


وحاول أنك ترسل له مقاطع فيها عضة و عبرة مثل مقاطع حوادث تفحيط حتى يعي خطورة هذا الأمر


و بعد فترة تطلب منه بشكل مفاجيء تقول له " هاه وش عندك جديد خلني أشوف " و خذ الجوال منه


و إسأله كذا على سبيل المزح " عسى ما فيه شيء كذا و إلا كذا " مع ضحكة وغمزة عين


و دور بس إذا لقيت شيء " لا تعصب أو تضربه أنتبه " سوي نفسك ما شفت شيء


بكل بساطة إحذفها من جواله و خلاص يا دار ما دخلك شر


و إذا لقيت شيء مرة ثانية حاول إنك تعاتبه بأسلوب لبق بكلمات مثل :


أفا يا أبو حميد " إذا كان إسمه محمد

أو

أفا يا أبو عابد " إذا كان أسمه عبدالله


" أنت كذا زعلتني ما توقعتك تنزل نفسك للمستوى هذا ، كنت أتوقع أنك أرقى من كذا "


صدقني من المرة الإولى اللي ما كلمته فيها راح يحس بخجل و ما راح يقدر يرفع راسه في عينك من الحياء


و راح يحس بالغلط اللي سواه


و يحاول أنه يرضيك حتى ما يخسرك و يخسر مخاواتك له


لأن المراهق في هذه الأيام يحس بأن المجتمع كله ضده و بخاصة والده و من هم في سن والده


و الأشياء هذه أنتشرت إنتشار النار في الهشيم و أصبحت شيء عادي عند الكثير من الكبار فما بالك بالصغار


و اللي أطلبه منكم بأختصار أن كل واحد " يحط نفسه في مكان وفي عمر ولده الحالي " و تسأل نفسك كيف تريد من والدك أن يتعامل معك ؟

هذا رد احد الاعضاء اللي انا نقلت لكم منه الموضوع واعجبني رده واستفدت منه الكثير
وارجوا ان يفيدكم ايضاً

[أبــــو وحــــــش]

بسم الله الرحمن الرحيم

السلام عليكم ورحمة الله وبركاته

الصراحة إنا كلام الهاجري صحxصح جزاك الله خير
وكثر الله أمثالك

والحقيقة أني إستخدمت هذا الأسلوب والصراحة هذا أفضل ما هو موجود

[مجازف]

ابو وحش

الله لا يهينك على هذي الكلمات وهذي الثقه

وبيض الله وجهك

اخي الكريم

تقبل فيض ودي

اخوك

مجازف