اقتباس:
|
المشاركة الأصلية كتبت بواسطة البنت الجزله
تقبلوا قصيدتي المتواضعه واللتي اتمنى ان يكون لها حيز في قلوبكم
فـكني مـن غربة الوقت واصفح عن خطاي =وانـفض اغـبار الـسنين الـقدام الـماضيه
جـيتك احـمل عـزة الـنفس والـبيدا مداي =جـيت لك واقصى محبتك نار(ن) لاضيه
جـيت لـك واحلام عمري يضيق ابها سماي =جـيت كـلي من غلاتك ونفسي راضيه
كم عشقتك واعتبرتك من اعز اصدقاي = بس هجرانك على القلب ضربه قاضيه
ياهواي ويا مدينة غلاي وياضناي=ياطهاره كل نفس(ن) عفيفه واضيه
يامثلجني بحبك ويامصدر دفاي=يا سحابه صيف تمطر وترحل فاضيه
ليه تلحقني الملامات واتشمت اعداي= وليه تظلمني ودايم تقول امغاضيه
مارحمت ادموع عيني ولا ثورة ابكاي=والله ان رماح صدك لقلبي شاضيه
وكان طال الوقت وابطيت عني يامناي= فاعرف اني فيك متقاضيه متقاضيه
ويمكن اتحسف ويغلب على رفضي رضاي =وان جفت الاجسام فقلوبنا متراضيه
وآخرتها لا تطول بهجرك ياغلاي=ولا تخليني بدونك عروش(ن) فاضيه
اختكم البنت الجزله |
مبروك منتدى العجمان على تواجد شاعره بحجم البنت الجزله فهي سفيرة القلم النسائي المبدع بدون نقص في حق الشاعرات المتواجدات
صح لسانش مدد
قافيه ومعنى لا يعلى عليها
03-01-2007, 03:46 AM
العرض العادي
