اخ عزام اقرب الله لاهانك

[العنود العلي]

السلام عليكم ورحمة الله وبركاته


اسمحولي ياشعّار ترى انا مالي في المحاوره بس من هواتها وهذي اول محاوله لي واتمنى اني اكون قد المقام


استلم يا عزام

سلام الله على قرمن تعدّى صيته الميدان=على عزّام والحضّار واللي يسكن الحلّه

سرى بي هاجسي صوبك يصوغ مْن الحروف الوان=تفضّل إقلط وْ رحّب فداك الكون ذا كلّه

[عـزام]

الأخت والشاعره القديرة العنود العلى

يا مرحبا ومسهلا وانتى شاعره غنيه عن التعريف فى الساحه الشعريه , وكما انتى مبدعه فى شعر النظم فمن المؤكد سوف تبدعين وتتمكنين من المحاوره.

واسلتمى يا العنود..

هلا يا مرحبا ترحيبة(ن) تخضع لها القيفان=تليق ابنت راع العز والفنجال والدله

قطفت أحلى معانيها وجبت من الجزال اسمان=ونثرت الورد لاجل اللى لفانا باهى الطله

[العنود العلي]

استلم يا عزام

عن اذْنك ودّنا ندخل على الموضوع يا كْحيلان=ونفتح باب مغلق من وراه تْلاقى الشلّه
وراه تْلاقي الحابل مع النّابل وصاروا اخْوان=ولا به عندهم ذمه ولا مذهب ولا ملّه

[@الشيــــــــــــنه@]

ياسلاااااااااام



صح لسانكم ياشعاار وانا بصف العنوود ...

[العنود العلي]

الشينه تسلمين ياقلب العنوود فديت عويناتج

[عـزام]

طيب طيب يا العنود

استلمى..

جميع ابوابها تفتح لنا بامر الله المنان=ونارد عد صافى يروى الضميان ويبله

حقيقه موجعه والسابقه تظهر مع الازمان=على رغم الانوف الحاقده وعقول مختله

[العنود العلي]

استلم ياعزام

تجرّد هالشعر كلّه من بْحوره مع الاوزان=بعد ماكان له هيبه غزاه العيب والعله

لقب شاعر غدى شايع بدون اتْعاب بالمجّان=يناله كل واحد لو ميوله لعبة السله

[عـزام]

استلمى ..

تبين الصدق ساحتنا بها ثوم وبها مرجان=بعضهم من قصيده نحفظه فى القلب ونشله

لاكن القرم دامه حاضرٍ ضيدان بن قضعان=مع شرواه جزلين المعانى ما بها خله

[العنود العلي]

وبه من شاعرات(ن) تشتريه بغالى الاثمان=يبيعون الضماير لاجل رمش العين والظله
قويات العيون اللي لها من نظرة الشيطان=كفيله تقلب الدنيا وْ تفرق خلّن و خله

[شيخ المراجل]

العنود...عزام....

احسنتوا وابدعتوا ........