طريقه عمل التمر والبر والسمن والاقط بالصـــــــور

[بنت راكــــان]

السلام عليكم ورحمه الله

وصبحكم الله بالخير جميعا

معاي لكم طريقه عمل التمرية على طريقتنا ا

لمتواضعه وكلٍ يسميها اسم وبتاكلون اصابعكم وراها


المقــــــــادير:


ثلاثة كاسات بر

كيلوا تمر منزوع القمع والطعام أو عجينة تمر نادك

فنجال سمن بري

زبده غنم اربع ملاعق

ملعقه كبيرة هيل مطحون ناعم

فنجالين طحينية ( حسب الرغبة)

كاس حليب

اقط مطحون ناعم جدا


الطريقة نحمس الطحين البر على النار حتى يميل لونه الى البني فاتح






نحط الزبده ونخلطه مع الطحين ونفتته بالملعقه ونحركه حتى يتفرق البر

نبعد القدر عن النار ونضع التمر ويفضل ان التمر يسخن شوي حتى يتفلل مع الطحين ونقوم عليه باليد
نخلطه مع الطحين البر ونفركه في اصابع اليد ونفرق التمر ونخلطة مع الطحين حتى يتفرق التمر



نضع السمن وندعك الخليط ثم نضع الحليب وندعك الخليط حتى يصبح متماسك ونخلطه وندعكه باليد
وشوي شوي نضع الهيل وشوي شوي نضع الاقط


وندعك حتى يتماسك الخليط ولا يكون يابس ولا يكون لين



والاقط يذر عليه شوي بعد ما يوضع بالصحون حسب الرغبة وبشرط تكون القهوة والمه.





وياجعل فيها الف وست ميه عافيه

وعلى فكره الاكلة ما نسويها الا بالبر وبعد صلاة الفجر مباشرة وعلى الوجار وفي جمعه



في امان الله

[كويتيه]

وايد حلوه.. زين انا ماعندي بر عادي في بيتناا

يعطيج العافيه

[عزوف]

يعطيـــــــــــــج الف عافيه يا بنت راكان بصراحه مشاركه عجيــــــــبه

تحياتي

[بنت راكــــان]

السلام عليكم ورحمه الله

حياش الله عزيزتي الكويتيه

لافديتش ماتزين الطبخه الا بالبر

في امان الله

[فيصل بن حجرف]

موضوع جميل اختي بنت راكان

بس العنوان يقول بالصور

وين الصور؟

[اطياف الماضي]

بنت راكان الله يعطيك العافية

مع القهوة وش بيغدي

تحياتي لك

[هند]

وعليكم السلام ورحمة الله وبركاته

تسلم الأيادي يابنت راكان
والله اشتهيت آكله ،


يعطيك العافية



السؤدد

[بنت راكــــان]

السلام عليكم ورحمه الله

حياش الله عزيزتي عزوف

وجربيها لاطووفش

[فلاح ال مخلص]

حي والله ذا الشووووووف





لاهنتي



مشكووووووووووووره

[غنواوى]

والله عاد حدى جويع
وشفت هالطبخه بعد
وأنا عزوبى
وما عندى خوات
وشكلش تعرفين تسوين القرص
v
v
v
v
v
الله يعينش