مليت من نزف القلم بيض الأوراق= وصبّيت لي فنجال ساعة رواقه
روّقت وأبياتي حكت نبض الاعماق= والعود الازرق فاح طيب احتراقه
أبياتي اللي لامست كل الاذواق = ومن العسل تجمع صفاه ومذاقه
أصدق من الضحكه على وجيه عشّاق= واسمى من قلوب الجهل والحماقه
صرخة يتيمه مالها حد وآفاق= مثل الهوى للي يعيش اختناقه
( ياليت ربي ماخلق حب وافراق ) = مالي على فرقا الاجاويد طاقه
شاركت من باب الاخوّه والاشواق= تاخذني سلوم العرب واللباقه
مشتاقه وقلبي بعد حيل مشتاق= للي جمعني مع غلاهم علاقه
الصادقين بحق ذربين الاخلاق = الطيبين اهل الكرم والعراقه
الطيب معهم كنّه بشد وسباق= والنايفه تعقد معاهم صداقه
هذا بعض ماجاد به صدق الاعماق= وابي العذر لومااسعفتني اللياقه
قصّرت في وصف المعاني والاشواق= رغم اني مبسووطه وآخـر رواقـه
[move=up]
ياليت ربي ماخلق حب وافراق = مالي على فرقا الاجاويد طاقه
[/move]
رهايف إسم على مسمى
صـــــح لسانك يالغاليه قصيده برغم بساطتها إلا إنها نالت إعجابي وإعجاب إخواني
كل الشكر لكِ عزيزتي على هذه الرائـــــعه وبإنتظار
موجــــــة بحر من فيض مشاعركم
إختك جـــــــورية
05-05-2006, 05:51 PM
العرض العادي
