ياسِعد حظّ القبر فـي جابر..وياحـظّ التـراب <<مصافحه اولى>>

[فهيد بن عصيدان]

السلام عليكم ورحمة الله وبركاته

تحيه طيبه الى منتدى قبيلة العجمان من اداره ومشرفين واعضاء على هذا المنتدى الاكثر من رائع..

واهدي لهم مصافحتي الاولى في المنتدى وهي مرثيه كتبتها في حياة سموّ الشيخ جابر الأحمد طيّب الله ثراه,,

من يوم شفت الصبح كشّر نابه وحام الغـراب=قلت المصايـب فِتّحـت ف اوجيهنـا ابوابهـا
اصبح علينا الصّبح موحش واصطبحنا بالمصاب=ياكبـر مفقـود الكويت..وياعظيـم امصابهـا
اهل الكويت ال كل حسبه حسّبوهـا بالحسـاب=الا ان موتـه حسبـةٍ ماحسّـبـوا لحسابـهـا
مات الكريم..اللّي يمينه جادت وفكّـت ارقـاب=كمٍ عجوزٍ مـن يمينـه جـف دمـع اهدابهـا
أب اليتامـا والارامـل والمشيّـب والشّبـاب=كافل حقوق الشعب مكـرم ديرتـه واجنابهـا
مات الشّجاع..اللّي يهيّب لـه دُوَل..ولايهـاب=من دون داره مايهـاب أطلـق شنب..بأشنابهـا
يوم العراقي شبّ ناره..نار جابـر بـأشتبـاب=علـى العراقـي شبّها..والنـار مـن شبّابهـا
خلاّه يدبر غصب عنّه..دون يعلـن الانسحـاب=كبّ الطلابه..يوم جابـر قـال: انـا طلاّبهـا
مات الحكيم..اللّي ليامنّه حكم..حكمه صـواب=حلحيـل حـلال العقـد لاعقّـدت بأنشابـهـا
عقبه غشا جوّ الكويت العجّ وأتـلاه الضبـاب=الله يِرجّـع جوهـا صافي..كـمـا عشنابـهـا
ان دلّ ربّان السفينه..ترتسـي فـوق الغبـاب=وان ضـاع ربّـان السفينه..ضيّعـوا ركّابهـا
كن القصور الفاخره في غيبته صارت خَـراب=وعمّ الحزِن كـل البلـد حضرانها..وأعرابهـا
حتى القصايد عقب موته بالحزن لِبسَت ثيـاب=تبكي على شيـخ الكويت..وسترها..وحجابهـا
لوكـان يرثـى بالمراثي..مايجمّعهـا كِـتـاب=والله ماتكفيـه لـو هـي جِمّعـت ب اكتابهـا
انا اشهد انّـه عايشٍ..لوكـان يفـدا بالرّقـاب=لتشوف صبيـان الكويـت املوّحـات ارقابهـا
الله يجيره من صدوف القبر وصنوف العـذاب=في ساعةٍ من هولَها تنسا الصحاب..أصحابهـا
العين شيّب دمعها من حزنها..والقـاف شـاب=شابت حروف القـاف وأتعـب قافها..كتّابهـا
ياسِعد حظّ القبر فـي جابر..وياحـظّ التـراب=شرّف جنـاب المقبره..وأعـزّ قـدر ترابهـا

فـهـيد بـن عصيـدان

[مهرة الصمان]

فهيد بن عصيدان صح لسلنك واعتلا شانك قصيدة رائعة بحق

يخونني التعبير في كلمات لا يكتبها الا شاعر متمكن يعطيك العافية وهلا ومرحبا فيك بمنتداك

ويسعدني ان اكون اول المتصفحين لهذه القصيدة لأمير القلوب شيخنا الراحل ولكن رحل وتبقى ذكراه لاتنسى

رحمه الله رحمة واسعة وادخلة فسيح جناتة

لك كل الشكر وتقبل تحيااااااااتي

[عـزام]

لوكـان يرثـى بالمراثي..مايجمّعهـا كِـتـاب=والله ماتكفيـه لـو هـي جِمّعـت ب اكتابهـا

فعلا لو كتب فيه من قصائد الرثاء الكثير لن توفيه حقه رحمه الله واسكنه فسيح جناته.

فهيد بن عصيدان

اول شى نرحب بك معنا ويسعدنا تواجدك والله يحيك فى محلك.

وبيض الله وجهك على ذا القصيده

وصح السانك ودام ابداعك

[ناصر بن فالح]

صح لسانك ولاهنت

[الـــصـــعــــب]

فهيد بن عصيدان




جزل جزل جزل



والله يرحمه ويسكنه الجنه ومهما كاتبنا وعبرنا مانوفيه حقه



وانت عزالله ابدعت



صح لسانك مليون ولا يكفون

[وسيع البنايد]

صح السانك

[عيد بن شدقان]

الاخ الشاعر/فهيد

قصيده جزله من شاعر جزل


صح السانك واعتلا شانك


والله يرحم الامير جابر ويسكنه فالجنه

[فهيد بن عصيدان]

المشاركة الأصلية كتبت بواسطة مهرة الصمان

فهيد بن عصيدان صح لسلنك واعتلا شانك قصيدة رائعة بحق

يخونني التعبير في كلمات لا يكتبها الا شاعر متمكن يعطيك العافية وهلا ومرحبا فيك بمنتداك

ويسعدني ان اكون اول المتصفحين لهذه القصيدة لأمير القلوب شيخنا الراحل ولكن رحل وتبقى ذكراه لاتنسى

رحمه الله رحمة واسعة وادخلة فسيح جناتة

لك كل الشكر وتقبل تحيااااااااتي

مهرة الصمان..


صح ابدنش


والله يحييش ولو انّش اسرفتي في مدحي..

[فهيد بن عصيدان]

المشاركة الأصلية كتبت بواسطة عـزام

لوكـان يرثـى بالمراثي..مايجمّعهـا كِـتـاب=والله ماتكفيـه لـو هـي جِمّعـت ب اكتابهـا

فعلا لو كتب فيه من قصائد الرثاء الكثير لن توفيه حقه رحمه الله واسكنه فسيح جناته.

فهيد بن عصيدان

اول شى نرحب بك معنا ويسعدنا تواجدك والله يحيك فى محلك.

وبيض الله وجهك على ذا القصيده

وصح السانك ودام ابداعك

تبقااا ياعزام..

ووجهك ابيض..

وصح ابدنك..

ولاهنت طال عمرك,,

[امبراطور العجمان]

فهيد ابن عصيدان صح لسانك على القصيده الجزله والرئعه والوافيه بمعانيها وجزالتها والله لايهينك