مصافحة أولى

فارس العجمي · #1 19-12-2005, 06:12 PM

السلا عليكم ورحمة الله وبركاته

أحب أن أضع بين أيديكم مشاركتي الأولى في هذا المنتدى وهي رساله لصديق لي سأضع الرد بين أيديكم عندما يصلني والله يعطيكم العافيه

ــــــــــــــــــــــــــــــــــــــــــــــــــ ـــــــــــــــــــــــــــــــــــ

ياراكب جمس جديد من حفيزه ماركب تو الدعايه والصحافه والإذاعه يعلنون بصورته =متكامل من ديرته شدوا براغيه ولا فكت ولا لمست ولا شيك عليها راعي الورشه ولا يفهم وش الطبخه ليامن فكها

كن حس صوت محركاته لي اشتغل طاروووق عود بيحت سود الليالي مايكن وقصرت من شوفته =اليا طرا لك وأنت ناوي ديرتن من دونها قفر التخاتيخ البعيده ينجلي همك لو أنه للضلوع العوج صار يضكها

اليا استوا للخط ثم قام يتنصا مقدمه كنه خلوي كافخ في الجو جنحانه على الصيده وحقق بالمخالب صيدته=واليا شحطه السايق الي معتزي بخته ولعيون الكحيله قام يتنصب ولبا له على شفه وهقواتها عليه يركها

أنصا به الي في لزومي لي حزمت العزم ثم نحرته كتابي تعزوى وأرتكى مثل الجبال النايفات وزودتني هقوته =إن جا لزومي لا يحيد ولا يميل ولا يعنزها على الضلع القصير الداني الهابي ويعرف كيف بقعى عربدتها للبشر ثم صكها

أبغاك لي جيته تسلم لي عليه وتحسن الوقفه ولا ياتي كلامك وزف من وزف الكلام الناقص وخلك سوات الي يداري من الزلل في هرجته =قد قالوا العراف في الأمثال ترى الرجل لي منه هرجه دلك عليه الحكي والا كلمة يشكها

قل له ترى فارس جفاه النوم والمثلوم راقد والعباد أحد درى بالي جرى وأحد على همه سرى وأحدن يهم ولا يهم وواحد همه رضى حليلته =أنا ما أعاتبهم ولكن أعتبي للطيبين من الرجالذوي الشبور الكايده الي بوقت الكايدة لامن تعايدت الحلول يحلها ويفكها

ياصاحبي دارت رحى الأيام والي ذاري له حب صار يقسمه مابين نصف ونصف شحت بمقسومه تصاريف اليالي ثم دارت وكوته =ويمشي على قول الخلاوي مع عباد الله ويضحك مادروا بالي كواه من الليالي ما شكى لاحدن سوى الله من لليالي وظنكها

ويا صاحبي ينبك عن خُلقُ الليالي واحدن ذاق الكدر مره ومن لا يرف الكدر من الصفا ما يهتني بالصافيه لو أنها جاته على وصف التماني منوته =وياصاحبي ينبيك من مر الديار بما وجد من ناسها وأخلاقها وهذي هي الدنيا طويله مالحقنا بها الجدى منجاتها مع هلكها

ولي صرت قاصد ديرة أخذ المسبر منهم حيث أنك تأمن ما تخاف القوم في غراتها ولا تفوت بوسطها ثمن ترَوح بك الدنيا فوات مفوته= وجلدك ترى لو أن تدري جلدتك ماحدن سوى ظفرك درى بلي جرى ما حدى سوى ظفرك تراه يحكها

هذا كتابي ياسنادي والظهر والمقدم اليا صار في الناس الخلل جاتك على بحر طويل موضحه ومبينه والبعض جاتك وصفها غابي وبعض مفوته =وصلاة ربي والسلام اعداد من صلاى وصام مسك وعبير وشيح وزهور تجيك بعكها

ــــــــــــــــــــــــــــــــــــــــــــــــــ ـــــــــــــــــــــــ

وسلامتكم

فارس العجمي

17-12-2005

فلاح ال مخلص · #2 19-12-2005, 08:33 PM

صح لسانك

ولا قصرت

عيد بن شدقان · #3 19-12-2005, 11:36 PM

صح السانك يافارس

وتنقل القصيده الى صدى المشاعر

الجويّر · #4 20-12-2005, 12:50 AM

ماشالله عليك مشالله

الشاعر فارس 0 صـــــــــــح لسااااااااااانك

عرفت كيف تتحكم بالبحور الغزيره

قصيده جزله ومن اجزل القصائد وبارك الله فيك

والله يعطيك العافيه وبانتظار جديدك

وهذي القصيده تستاهل التثبيت

تحياتي / الجويّر