ماهو زوجك المفضل0 وما هي زوجتك المفضله

[alajmiali78]

مشكور يا ابن جفن على الموضوع الحلو ولو انه اقصاه تمني لكن حنا نقول الله يكتب اللي فيه الخير والصالح وبالنسبه للي ابيها شريكة حياتي فمواصفاتها ::

ابيلي مهرة(ن) ما عسفت صغيره وبنت حصان=ابوها اللي يفك المشكله ويزبن الجاني

واخوها لا تعزوا باسمها فزوله العربان=يحق اله الفخر في قولة ال فلان جداني

ابيها في بحر عشرين لا زود(ن) ولا نقصان=وابيها اقصر طويله والوصوف اشكال والواني
ابي الجبهه كما الصبح وكما القوس اسود الحجان=وابيها ناعسات ونرجسيه سود الاعياني
ابي رمش كما ريش(ن) يغطي الثلج فالاوجان=وابي جفنن يشيل الرمش طربانن وكسلاني
ابي خدن كما وردن تنما في طرف بستان=وابي خشمن صغير ومثل حد السيف شاماني
ابي البسمه كما البرق وثناياها كما المرجان=وشفاها جمرتين وفمها خاتم سليماني
ابي شعرن مثل ذيل الفرس لا طبت الميدان=او الشلال لامن بات ليله بين الامتاني

ابي جيدن سوات بريق فضه ناتقن مليان=وصدرن كنه مرايه عليها طلع رماني

ابي ظهرن كما الجدول وقدن مثل غصن البان=وخصرن مثل مجدول العنان وجسم روياني
ابيها نابية ردفن وبطنن ضامرن جوعان=ابيها مدمجة ساق وقدمها لسان ثعباني

ابيها بنت عزن من رغدها ينعم الفستان=ابي الرقه وابي الدقه لها باطرافها شاني
ابي المشيه كما اللي طالع من المعركه كسبان=وابيها ترش مع خطواتها مسكن وريحاني
ابي صوتن الا مني سمعته كن فيه الحان=يدغدغ مسمعي ويثير كل السحر فاشجاني
ابيها حب واخلاص وهواجيس وفرح واحزان=ابيها مثل ما دكتورها للعشق وصاني

ابيها لوحتن ما صورتها ريشة الفنان=ابيها جوهره ماجابها قاصي ولا داني

ابيها تنتصرلي من زمانن حطني نيشان=وتبشر بالغلا اللي ما لفا به واحدن ثاني

مادام الدعوه تمني واحلام بضرب على الكايد !!!!!!!!!