الله من قلب

[مهرة الصمان]

الله من قلب ٍ غدى بين نارين = نار الرجا والصد من شخص غالي

انا عزيزة ومن رجال ٍ عزيزين = ولا ارضى على نفسي بقيل ٍ وقالي

وماني من اللي يطردون المقفين = امشي وراسي دايم ٍ فوق عالي

كنت احسبنه عارف بالقوانين =ماكنت احسبه دالة القلب سالي

ليته درى في قلبته للموازين = والصد عني صعب والله محالي

والمشكلة انه فهم وضعنا زين =وتشهد على مافات سود الليالي

حبه سرى بالدم وسط الشرايين =راسخ كما ترسخ شموخ الجبالي

والله لوانه من خبول ورديين =اقول هذا اصله ولابه مجالي

بس البلا انه من شيوخ ٍ عريبين =يأمر وينهى من قديم ٍ وتالي

ابوه هو ريف الضعاف المساكين = يفزع لمن صكت عليه الليالي

واليوم ابعلنها بكل العناوين =وبكتب على العنوان ياما جرالي

تجبر عزاي بحب ناسن مقفين= برضاك يالمعبود منشي الخيالي