ياكويت..... مصافحتي لكم الأولى

[عبدالناصر آل عبدان]

أسعد الله أوقاتكم

حبيت أشاركم في هذه الوطنيه

إبشر بعزك ياوطن قولة صناديـد الرجـال=و لبيه جيتك بايـعٍ روحـي وكفـي شالهـا

في موقفن تيبس به الأريـاق ويهـد الجبـال=ويبان زيزوم الرجال اللـي عريـبٍ خالهـا

لا لاحت سهوم المنايا كـن واقعهـا خيـال=و لِما التقى الجمعان شافت الأرض شيّن هالها

أهتزت أركان البسيطه والعدال أصبح ميـال=من شدته الأرض مالت له بوضـع أثقالهـا

ما يثبت إلا من ورثها من عمامـه والخـوال=مجبول خلقه في الشجاعه والمراجـل نالهـا

ياكويت دونك من هل الفزعات صعبين المنال=قبايلن يا طيـب مجناهـا وطيـب أفعالهـا

من نسل قحطانن وعدنانن كريميـن السبـال=ساس العرب عز العرب ياسعد منهـو فالهـا

أربع مية عامٍ مضت تزهو بتحقيق المحـال=الصعب فيها طوعوه إرجال باعـت حالهـا

لله ثم لأرض الوطن الروح ترخص والحلال=نسوقها ببخـس ثمـن دام الكويـت إقبالهـا

وإن جات للتاريخ يبصم بالعشر فعل ومقـال=من هجرة الهدار لي كوت القريـن وجالهـا

قبل الذهب الأسود وعيشتنا ركوبن وإرتحـال=نخيل بـراقٍ سـرى هتـان فـوق إجبالهـا

بيت الشعر مبني وضو البيت تنحرهـا دلال=وترحيبة ٍ يسمع صداها أرحبـوا يارجالهـا

والضيف يلقاه الشحم والسمن في يمناه سـال=والعود الأزرق ساقته يمنـا كريـم عيالهـا

ولاّ على سيف البحر بيت ٍ له العـزه جـلال=مبني على ساس الكرم عدى النجوم وطالهـا

والرزق بعد الله على صنع السفينه راس مال=كالفلك تجري في البحر تطوي بعيد أميالهـا

من كل ميناء محمله بالخير والرزق الحـلال=تبحر بعرض البحر ترسي خيرها بأحمالهـا

هذي حياة أجدادنا حضر وبدو في كل حـال=توحـدت عـز وفخـر بأفعالهـا وأقوالهـا

من تحت راية حاكم الديره وسيف ٍ له ظلال=سقم المعادي ومن عدا يـذوق حـد سلالهـا

ماضي مشرف صفحة ٍ تشرق إلى حد الكمال=شعب نحت في صخرة التاريخ مجد أبطالهـا

واليوم وإن صاح المنادي لبوْ إقروم العيـال=دون الوطن يخسا ويخسا من طمع في جالهـا

وسلامتكم





إخيكم



عبدالناصر

[أشهب الـلال]

الله الله

صح ألسااااانك ولا هنت

وبدايه مشرفه
ماشاء الله عليك


لك تحياتي واحترامي اخي عبد الناصر

[قبلةالعجمان]

صح لساااانك ولاهنت ..

بس اسمحلي حبيت انبهك لشغله بسيطة ..
قصايد الاعضاء الشخصيه تكون في ديوان ( صدى المشاعر )
والقصايد المنقوله والنادرة تكون في ديوان ( الاشعار العام )


ولاهنت على الجزززززززلـــــــــــة

[عـزام]

عبدالناصر الفهاد


شاعر بمعنى الكلمه


وابيات رائعه


صح السانك مدد لا عدد


ولا خلا ولا عدم

[امانى]

صح لسانك ويعطيك العافيه

[فيصل بن حجرف]

السلام عليكم

صح لسانك اخي الكريم عبدالناصر على هذه القصيده الرائعه والجميله
ونتمنى ان شاءالله ان نرى المزيد من مشاركاتك في هذا القسم وجميع الاقسام

[الخريف]

صح لسانك اخي عبد الناصر على الابيات الرائعه ولاهنت

[فلاح بن ملبز]

صح لسانك..

ولاهنت على القصيده..

ولك جزيل الشكر..

[عيد بن شدقان]

عبد الناصر الفهاد
الله الله الله
جزله ووافيه من جزل
صح السانك ولاهنت

[صقر العجمان]

صح لسااانك