هذي بداية شارع الشانزليزيه

[عارف دربه]

هذي بداية شارع الشانزليزيه

هذي نهايه للحيا والرجوليه


جينا نشوف الناس وش عيّنوا فيه

ناس تقل تاخذ لمليه عموله


مليان من راسه الى حد رجليه

فيه الاوادم حذف من كل دوله



احد(ن)يجي شحاذ واحد(ن) يجي بيه

كلن يجي شكله بحسب السيوله


هذاك لابس له قميص(ن) مكفيه

وهذا قيص اخوه ماهوب بطوله


وهذاك مدري وين والله اوديه

قمت انوثه والمواري فحوله


شواربه تاصل الي حد اذانيه

واليا حكي نغمات بنت معسوله


كل شخص يبغي الي يسوي يسويه

وكل شخص يبغي الي يقوله يقوله


ما عندهم وشلون ما عندهم ليه

ماعندهم كلمة خجول وخجوله


متقاضبين وكلن بجال كافيه

والزين كلن وده يصير حوله


ماعندهم مبداء ولاعندهم فيه

وكل شي صعب يصير فيه بسهوله


وانا معي ديد يهوش صار ديديه

شكله وهو جنبي تقل ربع توله


لو وقف بجنبي ولو يرفع ايديه

لاهو بلاطولي ولاني بطوله


لو مانتبهت لسكتي كان واطيه

الله يفارق بين زولي وزوله


لبيــه يامكـه ويا نجـد لبيــه

عشقي من ايام الصبا والطفوله


فقدت صوت(ن) خمس مرات نوحيه

صوت المأذن لا ارتفع وش يطوله

الشاعر/ حجاب ابن نحيت

[المنفرد]

غني عن تعريف

صح لسانه

هذا يدل علا ذائقتك الزاهيه بختيارك النص

تقبل مروري

[الـعـابـر]

صح لسانك ولسان شاعرها

[ابورامي]

صح لسانك ولسان شاعر الوطن

[عذبة الصفات]

صَــ√ــحِ لسانك ولسان الشاعر
ولاهنت تسلم يمناك

[صوت الجنوب]

جميل وصف شارع الشانزليزيه ...وجميل هو الحنين للوطن ...

صح ذوووقك وصح لسان شاعرها ...

[ابو سالم الدويخ]

صح لسانك و لسان شاعرها

[عارف دربه]

(المنفرد)

صح ابدنك تشرفت بتواجدك

[عارف دربه]

(العابــر)

صح ابدنك اسعدني مرورك العذب

[عارف دربه]

(ابو رامي)

صح ابدنك شرفت متصفحي