بسم الله الرحمن الرحيم
قصيده الشاعر علي بن قحصان الخدري ال مخلص اليامي في حفل ال مره ويام بمناسبة تكريم الشاعر محمد ابن حمد بن مشيط المري
مرحبأ باسم ال مره واسم يام
بالضيوف الي لهم قدر ومقام
عندنا للضــيف قدر واحتـــرام**** ارحبو ترحيب قدره مكتفيه
ياصلات الله على طهى الرسول
طلبت المـعبود مبـــدى كـل قول
اسمعوا ما قلت يا اصحاب العقول*** قول شاعر ما قفه يعتز فيه
لابس بشت الفخر ويليق بي
والنعم تقدير دقني وشنبي
مثل ماهو كاسبه جدي وابي**** وربعي الوافين بيضان الوجيه
ربعي ال مخلص روس الرجال
الولد منهم لـــمى جاله مـــجال
خلص الحـــجه وقـــف لــلثقال**** كل طيب كاسبه من طيب ابيه
ال مطلق فزعتي لي جاء اللقا
من حضر منهم على القمه رقا
ما يجون الا على وضح النقا**** فزعت المضهود ليضاقت عليه
ال درهم كل ابوهم والنعم
قصر عز عالي ما ينهدم
اجتماع الراي من قو العزم**** وان تكاتفنا وصلنا الي نبيه
ونعم يا ال هرش يا صحاب الوفى
من نصاكم في المواجيب اكتفى
القمر معروف نوره ما اختفى**** ما يقدم كون مرضي والديه
ال سليمان مقابيس البلى
هكذا ذكر الظفر ولا فـــــلى
من خذوها من يده قال شهلى **** كل من له علم ياخذ مايليه
افتخر ولي الفخر جدي وعيل
فزعت الواجب هل الشبر الطويل
يا رثون المجد جيل بعد جيل **** كل سلم طيب زادو عليه
وان ذكرت هشام شاش الراس شاش
جعل ابوك النار يا العظم الهشاش
كان مالك فعل ماضي ما بقاش**** ما بقى علم جديد نحتريه
اذكرو راكان ولا ابا الكلاب
والعقيد جريس حلال الصعاب
والطويل الي حسبنا له حساب**** عزوت من لاذ فيها تحتميه
وان جمعنا الشمل مع مذكر ويام
ما قلطنا الا على فرخ السنام
الحديد يلين من يام الحلام**** محتمين العهد والعرض النزيه
وال مره ربعنى الزند القوي
فزعت البل في الخطر سعد الخوي
يوم كان الذيب للذيب يعوي**** من جحد تاريخهم تبت يديه
المرضف بين والغيهبان
وبين الصعاق وابن شريم بان
رفعت البيضى لهم فوق البيان**** عزوت المري نجى من ينتخيه
ان دعو جينى وان احتجنى يجون
في الحميه اللقربون اللقربون
من غالهم كل ما يصعب يهون**** ثوب عز كل ابونى نرتديه
القبايل كلبوهم طيبين
والبخيت الي جمع دنيا ودين
والمراكز الاولات للااولين **** ما لقى له مركز يصبر عليه
فى ذرى ال سعود حكام الوطن
مكثرن الخير منهين الفتن
عزهم ربي على طول الزمن**** وان دعى الواجب وطنى نحتميه
مالنى عذر بعد رز الوعد
لاحق(ن) الريع من عزم وقعد
من زهم في يام يبشر بسعد**** انتبه ياراعي القلب النبيه
قالو التكريم لك يابن مشيط
جيت يمك من محيط اليى محيط
مع طريق البر لو ماني نشيط**** وان دعنى طيب مثلك نجيه
فيه من يضحك ومن ضحكه بكى
اشتبه مادرى غبى والاذكى
الضعيف الي لغير الله شكى**** دام ربي خالقه يشكي اليه
قلت ويش العلم قال العلم خير
استوى قدر الصغير والكبير
الله اعلم بعد بكره ويش يصير**** الموجه ضيع الراي الوجيه
الثقافه ضيعت بعض الشباب
والثعل قسمه مثل قسم الذياب
ماكلى لحم الغزال الا الغراب**** جامل العاقل على شان السفيه
ستة اشهر كلها برد وعجاج
كاثر فيها تعقاد الحجاج
استواء لحم الحباري والدجاج**** اشتبهنا في الريال وفي الجنيه
ياراعى النعمه تنعم ربما
بعد بكره تشتكي حر الضما
خل عينك فوق يا ملى العما**** من تشبه بل البشر يلقى شبيه
والسلام ورحمة الله في الختام
قلتها باسم ال مره واسم يام
تاج راسي كل ما اشتد الزحام **** النبي محمد صلو عليه
انا متاسف على تكرار الموضوع وذلك لعدم استطاعت التعديل
09-02-2012, 04:54 PM
..~
العرض العادي
