الحزن عم المملكـه واظلـم الكـون

[الباشا]

نسأل الله ان يبدله داراً خيراً من داره
وأهلاً خيراً من أهــــــــــــــــــــــــله
وأن يسكنه فسيح جناااااااااااااااته

إنا لله وإنا إليه راجعون
ولا حول ولا قوة إلا بالله

هذه المشاركه .. المتواضعه .. كتواضع كاتبها

الحزن عم المملكـه واظلـم الكـون = من فقدها فهـد العروبـة والاسـلام
مات الفهد والناس للمـوت يبكـون = يا كيف لا من مـات كفّـال الايتـام
وغابت اسنين العمر والموت مضمون = كل البشر تفنى لهـا المـوت هـدام
عاش العمر في عز الاسلام مرهـون = عاش العمـر لبيـوت الإلـه خـدام
يشهد له التاريـخ والنـاس يـدرون = ذكر الفهد يجـرى مـع كـل الأيـام
يشهد له المسلم ومـن لا يصلـون = وتشهد له البيتين والقـدس بالشـام
هذا الفهـد تاريـخ للـي يحكمـون = سيره . علم . قوه . تطور . ومقدام
من هيبته كل العـداء لـه يهابـون = يعجز عن التوصيف كاتـب ورسـام
يحسب له العاقل ومن كان مجنـون = حاكم وعـادل بالوفـاء دوم عـزام
يبكيه طفلٍ يسمـع النـاس يحكـون = عن سيرته لا عد من ضمن الأعـلام
ويبكونـه ايتـامٍ لموتـه يلـجـون = نحيبهم يسمـع كمـا صـوت نهـام
وتبكيه نجد وكـل منهـم يقولـون = ذاك الفهد حب الفهـد كنـه اوسـام
ويبكيه بيتٍ حوله النـاس يسعـون = وجبال مكه والمدينـه ومـن صـام
ويبكونه اهل الشرق والغرب بعيـون = ما ينتهي دمع الحزن مـر الأعـوام
مات الامام العـادل اللـي تعرفـون = ذاك الفهد عن خدمة الشعـب مانـام
ذكرى الفهد لا صار بالخير يطـرون = ما تنتهي تحفظ كمـا حفـظ الأفـلام
هذا كلام اللي مـن القلـب محـزون = ودمعه على خده وفي ايديه مرسـام
يرسم على وجه الورق لون في لون = لون الحزن غطى سما فكر الأحـلام
يرسم سواد الحزن والحزن مخـزون = ما ينتهي حزنٍ على القلـب حجـام
يا الله يا مجري الهوى يدفع امـزون = يا واحـدٍ بالحكـم والعـدل رحـام
تغفر لبو فيصل بعد صـار مدفـون = وتجزيه بالحسانات يـا رب الأنعـام