متوتر الاعصــــــــــاب

عبدالرحمن المري · #1 05-08-2005, 03:57 AM

السلام عليكم ورحمة الله تعالى وبركاته

هذه من قصائد وأنا أحب أقولها في هذا المنتدى

لي قصة تسعـد جميـع المواليـف = يحلم بها العاشـق لامـن سمعهـا
ببدابها واقول ماجاء علـى الكيـف = ماهمنـي لـو ينزعـج مستمعهـا
مع جادلن مرت بفكري كما الطيـف = إب سبعـة الالـوان فكـري طبعهـا
بدايـة المشـوار مـزح وسواليـف = ناخذ ونعطـي دايـر الحكـي معهـا
نحلم ونسكن في مساكن هل الريـف = وافكارنـا متشابهـه فـي سنعهـا
ونهاية المشـوار حلـت بهالصيـف = جـد الجديـد وكـل طـاري دفعهـا
قامت تكلمني علـى شـيٍ مخيـف = تقـول نفسـي فيـك ربـي جمعهـا
قالت تجي بالبيت مع مدخل الضيـف = وأنا المضييّف نفسك ارجـاك طعهـا
ثم قمت اجدف وسط الافكار تجديـف = وقررت اصير الضيف واعرف وضعها
ثم جيت خفيه عن عيون الملاقيـف = وأهل الطمع مشغولةٍ فـي طمعهـا
ولقيت شين يخلـف العقـل تخليـف = زيـن ودلال وزود ذلــك دلعـهـا
ماشفت مثله دارجن لو على السّيـف = نادر شكـل واف الخصـال انتزعهـا
مديت له يمنـاي مـن دون تكليـف = يومـي لمحـت اليـد ليّـه رفعهـا
ولمست يده والقلب يرجـف ارجيـف = متوتر الاعصـاب ضاقـن وسعهـا
ماني بخايف بس من عرض ماشيف = جـود طعونـه بالعيـون وضعـهـا
وبعدالسلام اخذت جلسـات تعريـف = ودارت بها الافـراح ولـع شمعهـا
وضميتها ثم بستها بـوس تشفيـف = شفـه بشفـه زارعينـن زرعـهـا
والباقي مشفر ومحفـوظ بارشيـف = نهايـة القصـه بـزايـل وجعـهـا
واللي ذكرته للمـلاء عـاد تخريـف = حلماً بنـص الليـل معيـه جمعهـا

وسلامتكم!!!