يغنيك عن كثر الحكي مجمـل ابيـات ..ومن ياخذ المضمـون يلقـى الأدلّـه
تدري وش اللي يقتل القلب بسكـات..لاصرت فـي بوحـك تحـس بمذلّـه
وتدري وش اللي يكسر الظهر حزات..لامن عطيت احسـاس ماهـو محلـه
وتدري متى تستاهل الطعـن مـرات..لا من خطيت الـدرب وانتـه تدلـه
لا تتبع المقفـي علـى كـل حـالات..بعض الوجيـه اللـي تقابلـك علـه
ولا تسال الغالي عن الجرح لا فـات..نبـش الحكـي يـزوّد الطيـن بلـه
طالع في من حولك وتاخـذ شهـادات..مانلتهـا لـو تـدرس الدهـر كلـه
ناس تجر من اسود الضيـق ونـات..ونـاس تقضيهـا وناسـه وفـلـه
هذاك شال همـوم غيـره ولا بـات..وهذاك مايدري عن احسـاس خلـه
احدن يهين اصلـه علـى كـل زلات..واحـدن ترومـه شيمتـه ماتـزلـه
لا تقول حظي من عنا الوقت قد مات..قل مات حـظ اللـي عنـاه استحلـه
ولا ضاقت الدنيا وعلى الكيف ما جات..اطلق احجاجك ثـم توكـل علـى الله
29-10-2011, 07:54 PM
العرض الشجري