ذخرت حظي عـن الباقيـن و اخترتـك
وغمزت لك عين قلبي وانـت باهدابـي
يا صاحبي ما بخصتـك ليـن عاشرتـك
حصلت قطرة نـداك تغـازل اعشابـي
ومره تخالفت مـع نفسـي و شاورتـك
ومـره تثاقـل لسانـي سيـرة احبابـي
يا حلمي اللي قبل مـا تضيـع دورتـك
ماتضيع قيمة قصيـدي وانـت تهقابـي
زرتك وجاهي قصيدي مثل مـا زرتـك
يا تصك بابك بوجهي .. يا نفتـح بابـي
يزيـن وجـه الزمـان اليـن تذكرتـك
وبنية الفكر تحسـب ليدهـا .. حسابـي
قصيت جرة عروق الشمـس واجهرتـك
شفت بسماي العشـب و الغيـم بترابـي
اعزف ضلوعي متى ماعيوني سهرتـك
وحثـال دمعـي امشّـة وادمـر ثيابـي
ياحظـي اللـي تـشـح ولاتكاثـرتـك
بكتابي اقراى سطـورك واقفـل كتابـي
ياربـي ارحمنـي وزدنـي بمغفـرتـك
وياربي تحقـق احلامـي (مثـل مابـي)
مايغير الطيب (شعلـة) جمـر مبخرتـك
ولايزية حسنة زكاتي (شلقـة) نصابـي
ان كان دنيـاك ماتفـرق عـن اخرتـك
ضروري اشطب حضوري واكتب غيابي
انـت استمريـت بالحيـرة وقـدرتـك
وانا عجزت ابخص المخلص من اصحابي
وماكن؟؟ موجود غصن الا من شجرتـك
ولا..كن للغصن طير الا مـن اسرابـي
ياصوتي اللي قبـل ماتشيـب صورتـك
زميت خطـوات رجلـي ليـن مرقابـي
وجهزت قربك من عيونـك وشاورتـك
وشرعّت حلمي وزفيتـة علـى اهدابـي
29-10-2011, 06:52 PM
العرض الشجري