همــهـــمــات سعد . . !

[سعد الصميل]

مره من المرات . . كنا جالسين في دوانيه . . وكان معانا شخص قامو الشباب استلموه

يتغشمرون معاه . .

المهم انهم في نص وقت ماهم مستلمينه . . قام طلع من الدوانيه وهم ماوقفوا طبعا . . !


كملوا حتى يوم طلع . .


بعدها بدقيقتين . . قمت بطلع من الدوانيه بكلم تلفون . . فـ كانت طلعتي خفيفه بدون كلام . .

المفاجأه الي شفتها ان الشخص اللي كانو مستلمينه . . كان واقف ورى الدريشه يتصوخ !!

حاذف اذنه ويسمع وش بيقولون عنه !!


الخلاصه من السالفه . .


بجد كسر خاطري . . النوع هذا من الناس بجد يكسر الخاطر . . ماعنده ثقه لا في نفسه . .

ولا في الناس اللي حوله . . ومايعرف وش قدره عند الناس اللي حوله . .


ودايم متوقع من الناس انهم ضده . .


الله يرحم حاله ويشافيه من عنده . .