همــهـــمــات سعد . . !

[سعد الصميل]

احلى نوع من الناس اللي عايش حياته بالكامل . . ومايهمه إلا شي واحد . . انه ماخالف الشرع او الدين فيها . .

يعني يروح وين مايروح . . يلبس اللي يلبس . . يسوي اللي يسوي . .


مايهمه كلام الناس . .


هذا يعجبني صراحه . . واعترف اني ماعندي الجرأه اني اسوي مثله

مشكلتنا اننا نراعي الناس وكلامهم اكثر ما نراعي انفسنا وحقها علينا !!

يعني لابغيت تسوي شي معين بتقول لا والله فشله يشوفوني الناس وينقدون علي !

لابغيت تروح بلد او مكان معين ودك تشوفه . . تقول لا والله فشله يدرون اني رحت هناك !! مع ان مافيها حرام المسأله لكن التقاليد القبيحه حكمت عليك

ياخي وصلت فينا اننا من المستحيلات اننا نروح نصلي بالمسجد بدون غتره او شماغ !

طيب ياخي انا بروح امشي بعد العصر ولابس رياضه . . لازم البس شماغي بعدين ارجع البيت البس رياضه ؟

في حياتنا قوانين كثيرة حطيناها في الأدب الشكلي , وليتنا حطيناها في الادب الفعلي . .

يالله . . الله يعوضكم الجنه