همــهـــمــات سعد . . !

[سعد الصميل]

شي طبيعي اذا سافرت بتركب التاكسي كثير في التنقل . .

مع اني ماكثرت ركوب التاكسي هالمره لوجود الخبره المسبقه بالباصات والمترو . .


لكن اضطر مرات او اشتاق مرات للتاكسي . .


موضوعي مو عن التنقل . . ولا عن التاكسي . . موضوعي عن صاحب التاكسي !!

كثر مايشوفون كثير من الناس ان المهنه هذي مو على المستوى او يمكن يشوفها البعض انها تفشل . .

الا اني مرات اتمنى اعيش التجربه واصير سايق تاكسي لفتره . . مو علشان الغثا طبعا . .

ولا علشان التعب . .

لأني من الناس اللي اعتقد ان الوظيفه هذي مدرسه !!

تخليك تختلط بكل انواع البشر . . الطيب والردي . . العاقل والمجنون . . بتمر عليك شخصيات غريبه عجيبه . .

تخيل انه يركب معاك باليوم 30 راكب . . لو 3 منهم قالو لك مشاكلهم او على الاقل حصل لك معاهم موقف او سوالف او كلام غير الكلام الخاص بالتوصيله طبعا . .

كل يوم راح تعرف عن 3 اشخاص . . راح تسمع بلاوي . . تستغرب . .

راكب بتسمع منه حكمه . . راكب بتحل معه مشكله . . راكب بتشوفه اخطأ وبتعتبر . . راكب بيفتح عينك على شي . . راكب بيعطيك معلومه . . راكب بيتناقش معك . . وهلم جرا . .

صاحب المهنه هذي لازم يصير حكيم بالحياه غصب عنه مهوب طيب . .

وظيفته تعلمه بالغصب . . !