الهجمة الشرسة على ... الرجل الخليجي

[سمو^المشاعر]

أخي المحترم خالد الجبرين

محشومين من كلمة بوسروال وفنيلة

وكوني امرأه ومثل مايقولون مر علي الكثير من المواضيع اللي تتحدث عن الرجل الخليجي مرفقة بالجملة اللي ذكرتها ورفضت انا شخصيا نشرها ..

دعني اوضح لك بعض الامور اخي المحترم

اولا هو نوع من الدعابه او بالعامية غشمرة بين النساء

وبالتحديد بين النساء اللي اطفشوا من معاملة ازواجهم واهمالهم لمظهرهم الخارجي

بوضح لك اكثر

اغلب البنات المتزوجات عندنا بالكويت وبالذات حديثي الزواج تستعد لقدوم زوجها بأحسن مظهر وكل يوم لبس مختلف وكشخه غير اما الرجل الخليجي يوميا مايغير ملابسه او مايفكر انه يبين لزوجته انه يهتم بمظهر من خلال ارتداء اي شي يبهج المرأه ويسعدها ..

مثلا يغير لبسه من سروال وفانيله الى
تيشيرت وشورت او بنطلون
روب كشخه
الدشداشه المخصصه للنوم
بدله سبورت ناعمه تصلح للبيت
وغيرها ترى مو عيب او حرام اذا ماتبي قدام الناس عالاقل قدام زوجتك

ترى المرأه بطبيعتها عاطفيه وحساسه اقل اهتمام من الرجل يبين بعينها صدقني


الرجل الكويتي وانا ما اعمم ولكن الاغلبية مهملين زوجاتهم وابنائهم ومهتمين بامور خارجيه تزعج الزوجه منها (الدوانيات اللي لي اخر الليل ولا بالاسطبلات ايضا لي وقت متأخر او بالعزايم كل يوم متعشي بره او بالسفر او بالدوام او بعلاقات محرمه كثيره تزعج المرأه)


اتمنى فهمت قصدي

وشكرا لك