. . . . شَامخَه شيخَة عَرب مِتعاليَة حسّاسَة ~

[سـمـآويـه]

شوف المكان اللي تغيب و [ تخليه ]
وشلون من بعدك دلهت و نسيته ؟

موحش أخافه لو جميع البشر [ فيه ]
لو يحتويني بالغلا / مـ احتويته !

لو إن حبك حاضره مثل [ ماضيه ]
و لو انّ فيّ من الوله ما خفيته !

هذا قدرنا والقدر راضيه [ فيه ]
و الله يعوّضني على / اللي رضيته

[سـمـآويـه]

كل ما بغيت اكتب غزل في وصوفك
قال الشعر : ما هي بـ فكره سديدة !

ما راح تاصل غايتك من حروفك
لو تخترع لك أبجديّة جديدة !

ما تدري إن اللي ربت وسط جوفك
مجرّد التفكير فيها .. قصيدة

[سـمـآويـه]

كسرت ( قلبك ) يوم حبيت من قلب
والحين قلبك منكسر من تحاسب !؟

عشان قلبك مايتكّسر ، يجي صلب
لازم تحطه فـ [ المكان المناسب ]

[سـمـآويـه]

،
،





قلبي .. غلب طبعي .. وصايـر يوالفك
و اكبر دليـل .. اشفـاك لامــن تحـاكـت !

لاحـظ عيونـي يــوم .. اتـابـع سوالـفك
تاخذ نفس .. واقول وشفيك .. ساكت ؟






..

[سـمـآويـه]

،





الغيث لو فرح عيون المخاليق
احيانا يبكي عيون المزارع !





..

[سـمـآويـه]

جتني بعد ماطواهـا البعـد مشتاقـه
تخفي بمنديلها عـني عبايـرها !
وتقول والله ماجيتك عـلي فاقه
وادخـل علـي الله حياتـي لا تدمـرهـا !
ببياعة الورد باقي عندها باقة
باكر على لمة العشاق تنثرها !
الغـضه اللي لذنب الناس علاقه
يوم انكسر خاطري.. جبرت خاطرها !
مـاعـاد فعيونهـا لـجـل البـكـا طـاقــه
تجمّع الحزن كله في محاجرها !
والشاعر اللي يشيل الود فـ اعماقة
لو يكره البنت مايجرح مشاعرها !

[سـمـآويـه]

الديانه مسلم ويفعل افعال اليهود
ماجزاه الا جهنم وحبلٍ من مسد

يا الهي والرجا فيك مازال معقود
اقهر زلابة معمر وبشار الاسد



و بِ الأصَح النعجَه و ليسَ الاسَد ( اصَابْ مَنْ سمّاه )

[سـمـآويـه]

الخبل لا سولف معك حضر العيد
يكفخ ويلفخ مايراقب لسانه

فضيخ قلب ولا يعرف المناقيد
يجيب شطحاته بحسب الميانه

الاجنبي يقول فارس وصنديد
وعند الجماعه منثوي بالجبانه

خيال متراكي ولا قام رعديد
لوتنزره يمكن يوسخ مكانه

هذاك جنب سكته خلك بعيد
لا تقربه ويجيك سب واهانه

اما جلوس العز بين الاجاويد
ربعٍ علي المذهب ونعم البطانه

والا لحالك سج رجلك مع البيد
ولا جلوس المهزله والعفانه

هذا كلامي والليالي مواعيد
والرجل ياخذ عبرته من زمانه

ورفيقك الغالي لياصار هربيد
قدم له الفنجان قبل السكانه

ورد معاي وعيد العيد ياسعيد
(يوم الخوي ياخوك مثل الامانه)

[سـمـآويـه]

من يكبّل خيالي ؟ من يوقّفني ؟
تعبت احكي لشعري عن وصايفها

ولو يسكت لساني ما سكت جفني
تعبت ابكي وانا اتذكّر سوالفها

[سـمـآويـه]

تبي تشوف انكسارات الحزن ؟ شفني
تبي تشوف انتصارات الحسن ؟ شفها

عجزت ألقا بها شيٍّ يعيّفني
قبل كفّ السنين السود تخطفها