. . . . شَامخَه شيخَة عَرب مِتعاليَة حسّاسَة ~

[سـمـآويـه]

يَ سعود سلّم لي عَلى دمعَه شعيبْ
دمعَه قَهر منها غَدى الّراسْ شَايِب


عزّي لـ أبو ثَامر مَلا قلبَه الطيبْ
في وَقتْ يَكشِف كِل يومٍ عَجايبْ



راحَتْ بَلدنا بِ الخدَع و الأكاذيب
و أصبَح شِعار الشّعب سَب و طلايِبْ


عَافتْ نفوسْ النَّاسْ كِثر المطاليبْ
و أحلامنا صارتْ محل الهبايِبْ


ما فيه لا غيرَه و لا فيه تَوجيبْ
و الأمر واضِح بِ إختلافْ السّبايبْ


بكرَه نحسْ بدمعَه النَّادر الذيب
لا ولّعت في مجتمعنَا النّشايب


و دمع الوفي ما هو عَلى المرجلَه عيبْ
خوفَه على دارَه تجيهْ المصَايِبْ


الديرَه اللي جرحهَا بدمعَه شعيبْ
أغلا وَطَنْ كانوا أهلها حبَايبْ !

[سـمـآويـه]

كِل ما أتذكركْ يَ العفْ النّزيه
يَ خشيرْ الروح يَ منها و إليها

جِعل يفدونِك مصبّغة الوجيهْ
نسوهٍ حتى النّمل ما يشتهيها

[سـمـآويـه]

إنتْ اللي اخترَتْ بيدّكْ سكّه الفَرقا
لا تزرَع الشّوكْ و تقولْ آلم أقدامي !

دامْ الظنونْ إحدرتْ و فراقنا يَرقا
سلّم على إحسَاسِك و سلّم على أحلامي

[سـمـآويـه]

أشوف صدرك ضاق من كثر الأحزان
و انا اعْرفك لو ضاق صدرك تكابر
مدري عشان الوضع مزري وتعبان
و الا عشان اشتقت للشيخ جابر !

[سـمـآويـه]

زعّلتها في خطاي و قسوة لساني
و تلوعني بالجفا و الصد و الغيرة

مدري هو الطيش خلاّها تحداني
مرات تخطي و اقول بعذرها صغيره

[سـمـآويـه]

لا مشت سود العيون امذبّله
اذبحت قبل القصار طوالها

لا اهرجت زينة نبا وامهبله
يَ عسى كل البنات فدالها

[سـمـآويـه]

الضعيف الهافي النمام ابو نفسٍ دنيه
اشوه انه ماهو بمني وانا ماني بمنه

الرجل مهما يكون اليا تردى في بنيه
قول ياربي لاتبلانا معاه وصد عنه

[سـمـآويـه]

لو نفترض بأفارقك قبل لا اموت
من صدمتي بأموت وقت إفتراضي !

[سـمـآويـه]

خايف على نفسي من الشوق لا اهلك
كل ما رويتك آخذ شوي و اضماك !

ان كان ما سجيّت للوصل رجلك
بسجّ رجلي للخيالات و القاك

[سـمـآويـه]

كل الهدايا في غيابك سكاكين
تطعن عيوني و انقتل في طيوفك
الى متى هذي الهدايا من سنين
اشوف فيها طيفك و لا اشوفك !